CEBU, Philippines – Gisugdan na ang lapad nga training alang sa cast sa Pinoy version sa hit Korean series nga “Descendants of the Sun” sa miaging adlaw didto sa Port Magsaysay, Nueva Ecija ug kauban gyud nila ang Armed Forces of the Philippines (AFP) Special Forces.
Sa report sa GMA News, niabot og duha ka adlaw ang mga training nila ni Dingdong Dantes, Rocco Nacino, Paul Salas, Prince Clemente, Jon Lucas, ug Lucho Ayala .
Wala’y special treatment alang sa mga aktor kinsa nagligid-ligid sa lapok, nagpasiuwan , ug uban pa nga exercises. Suma pa ni Dingdong nga importante kaayo ang maong training aron makasabot sila sa ilang mga role isip mga sundalo.
“The only way to really portray them properly is to immerse and be with them kahit na panandalian lang, kasi malaking bagay na maintindihan namin ‘yung motivation kung bakit nila ginagawa to,” saysay pa sa aktor.
Matud pa ni Dingdong nga dako kaayo ang iyang pagrespeto sa mga sundalo.
“Gusto namin mabuksan ang mga mata ng mga tao na grabe pala ang ginagawa ng mga sundalo ng Pilipinas para sa atin,” dugang pa ni Dingdong.
Ina Feleo engaged na!
Engaged na ang aktres nga si Ina Feleo ngadto sa iyang non-showbiz boyfriend nga si James Gerva.
“Two weeks ago I was in church praying and thanking God for all the blessings he continues to give me and then the thought of my relationship hit me and I turned to Him to entrust everything completely, because His will is always better than mine,” suma pa sa iyang IG post.
Nasayran nga duha ka tuig na ang relasyon sa duha.