Dunay kondisyon

CEBU, Philippines – Wala  nagpatandog  sa  mga pagsaway nga nadawat   ang bag-ong nakoronahan  nga Miss Grand Thailand 2019 nga  si  Coco Aryha Suprarurk kalabot sa isyu nila ni  Miss Universe 2018 Catriona Gray.

Matud pa nga dili gyud mangayo og pasaylo   si Suprarurk   ngadto kang Catriona kun dili  kini mopadala kaniya og direct message.

Kahinumdoman nga gitawag sa maong beauty queen og ‘fat” si Catriona hinungdan nga niisa ang mga kilay sa fans sa Pinay beauty queen.

“If Cat will message me directly, I would apologize,” tubag pa ni Suprarurk sa usa ka TV interview.

Pila ka netizens ang nilenggua nga  nagpaila lang ang maong Thai beauty  queen sa iyang  pagkahilabtanon.

Una na nga nitumaw ang taho nga gimik ra kini ni Suprarurk aron hisgotan siya og maayo.

Ang ubang dumadapig ni Catriona  nilenggua nga nagpatagad ra ang maong Thai beauty queen .

Baron mi-propose sa gf

Nahimong espesyal ang pagsuroy  ni Baron Geisler sa usa ka resort dinhi sa Sugbo sa miaging adlaw gumikan kay ni-propose  siya sa iyang Cebuana girlfriend nga si Jamie Evangelista.

Gi-post sa social media account nga The Wedding Library, ang hulagway sa maong hitabo. Nagtoo matud pa   ang  uyab ni Baron nga usa lang ka simple birthday surprise ang nisugat kaniya  ug wala siya nagtoo nga mo-propose kaniya ang aktor.

Nitambong sa maong okasyon   ang pamilya ni Jamie. 

Bagong Darna gipaila na!

Nakakita na ang  kadagkoan sa ABS-CBN nga maoy modala sa lead role alang sa movie remake sa Darna.

“We have found a new Darna!”,” mao kini ang gibutyag sa managing director sa Star  Cinema  nga si Olivia Lamasan ngadto sa  ABS-CBN News sa dihang gipangutana sa  latest update sa  Darna . 

Matud pa niya nga si  Jane de Leon maoy napili nga  bag-ong Darna.

Suma pa ni  Lamasan nga dul-an sa  300  ka celebrities  ang ni-audition sa maong role , lakip na ang pipila ka talents sa Star Magic ug Starhunt .

 Exclusive talent sa  Star Magic  si  Jane ug nakalugwa na kini sa pipila ka mga programa sa ABS-CBN  ug usa na niini ang teleserye nga  “Halik” kun diin nidala siya isip  igsoun ni Jericho Rosales.

Nalakip usab siya kaniadto sa  2017 fantasy drama series  nga  “La Luna Sangre” .

Nahimo usab siya nga miyembro sa  girl group sa  It’s Showtime nga  Girltrends.

Samtang ang direktor sa Darna nga si Jerrold Terog , nihulagway kini kang Janine  nga matud pa dunay   hugyaw nga talento sa pag-arte.

“Pinresent na si Jane sa amin a couple of years ago, and among all the 13 noon na Mr. M (Johnny Manahan) presented from Star Magic, natatandaan ng isang talent handler na ‘Inang. napansin mo na siya noon, itong batang ito pwedeng sumali ng beauty pageants. And then I saw her again in ‘Halik.’ Sabi ko, ‘itong batang to, meron.’ There’s something about her,” suma pa ni  Lamasan .

Matud pa ni Lamasan nga  ang pagpili nila kang   Jane, usa kini ka “a unanimous decision.”

“Natuwa nga ako na isa siya sa mga nag-audition. Sabi ko ay there’s something about her. Pati si Direk Lauren (Dyogi) said there’s something about her. Bilang filmmakers, may nakikita kami.”

“Malakas ang instinct ng bata,” suma pa ni Lamasan.

Suma pa niya nga panahon napud nga bata ang modala sa maong karakter,

“‘Yung Darna story natin ngayon is a genesis story, a coming of age. Ang requirement talaga is somebody na young and with an air of innocence but at the same time a strength of character,” matud pa niya.

Human sa bug-at nga deliberasyon, nisaad si Jane nga buhaton gyud niya ang tanan aron mahatagan og gibug-aton ang maong iconic role.

Giisip kini ni  Jane nga usa sa mga dakong break  nga naabot sa iyang showbiz career.

Dimples emosyonal sa poem sa iyang fan

Nahimong emosyonal  si Dimples Romana  sa  nabasa niya nga poem nga inspired  sa nag-viral niya nga memes  kalabot sa iyang karakter isip Daniela Mondragon  sa Kadenang Ginto

Suma pa niya nga makahuloganon kaayo  ang poem nga  gibuhat sa usa niya ka fan.

Naghisgot  kini  matud pa sa  laing  habig sa usa ka tawo nga kanunay nga masuko.

Matud pa ni Dimples nga nakahilak gyud siya sa dihang iyaha kining nabasa.

Mao kini ang tibouk nga linya:

“Pula ang kulay ng kaniyang suot

Marahil dito niya kinukuha ang lakas upang ipakita na hindi siya takot

Kung saang saang lugar na siya napadpad at nakalibot

Ngunit wala sa mga ito ang tunay na ‘siya’ na pilit inaabot

 Pero gaya mo, hindi lang isa ang damit niya sa loob

Hindi lang pula ang kaniyang ipinantataklob

Sa mga sugat na minsan sa kaniya ay nagpataob

Marami rin siyang kulay ngunit kailangan niyang maging pula upang lamunin ng tatag ang mapanlinlang niyang mga kutob”

Gisumsoman  sa Twitter

Duha ka mga bitoon sa ABS-CBN  ang nag-una sa listahan  sa labing gihisgotan  nga mga  lalaki ug babayeng  artista sa Twitter .

Nag-una sa   labing bag-o nga  listahan sa Top Female Celebrities mao si Kathryn Bernardo  nga  gisundan  nila ni  Maris Racal, Sue Ramirez, Anne Curtis, Gretchen Ho, Alex Gonzaga, Maymay Entrata, Sharlene San Pedro, Maine Mendoza ug  Saab Magalona.

Samtang sa listahan sa Top Male Celebrities, nag-una si Vice Ganda ug gisundan kini nila ni Donny Pangilinan, Kyle Echarri, Charles Kieron or CK, Alden Richards, Joshua Garcia, Bullet Dumas, Atom Araullo, Marlo Mortel, ug  TJ Monterde.

Sa ubang kategoriya, mao kini ang mga nag-una,   “Between Maybes” (Top Philippines Movie), “MayWard” (Top Love Team), Darren Espanto (Top OPM Musician), ug  “The General’s Daughter” (Top Teleserye).

Juday isip serial killer

Suwayan napud ni Judy Ann   Santos  ang pagminaldita atubangan sa  kamera. Sa labing unang higayon, serial killer  ang  role ni Juday sa paglugwa niya sa Ang Probinsyano nga gibidahan  ni Coco Martin. Naandan na sa katawhan nga buotan  o gidaog-daog ang role ni Judy Ann sa nangagi niya nga projects.

Matud pa  ni Coco nga dakong garbo sa usa ka tawo nga makauban si Juday sa usa ka proyekto.