Salig sa imong kapasidad

CEBU, Philippines — "Value your worth, to express your insights, and to conquer your fears and weaknesses", mao kini ang nahagpat  nga pagtulun-an sa 15 anyos kinsa mao ang nakoronahan isip Miss Tabuelan 2019 nga si Gayle Elizabeth Paz.

Sa pagpakighinabi ni Gayle sa Banat News Hugyaw, matud pa niya nga bisan og sa mubo pa nga tuig sukad siya misalmot  og mga beauty pageant, matud pa niya nga sa matag higayon nga motungtong siya sa entablado, aduna gyud siya'y makat-onan.

Giangkon niya nga wala gyud siya'y salig sa iyang kaugalingon sa ingon niini nga butang.

"Nagduda ko sa akong  strength and I find it really disturbing, That's why I go beyond my comfort zone just to learn new things ,” suma pa niya..

Tuig 2018 sa dihang una siya nga mirampa. Third year high school siya sa dihang natagad sa iyang mga magtutudlo nga aduna siya'y potensiyal sa maong butang.

"Gikuha ko nila as representative para sa Miss NWAPC 2018 ug Miss Technolympics 2018,” hirit pa ni Gayle.

Sa  pagsalmot  niya niini, wala siya nakadaog.

"I am not fully equipped yet, I was young back then and very shy. But still, it was a great experience ", suma pa niya.

Tungod niini, mipadayon siya sa pagsalmot  og mga indigay gumikan kay alang kaniya, aduna pa sab siya'y taas og daghang panahon aron nga mas palambuon niya ang iyang kaugalingon.

Nahimong espesyal ang iyang pagsalmot og mga beauty pageant tungod sa mga nagpaluyo kaniya.

Suportado siya sa iyang mga higala, mga magtutudlo ug ilabi na sa iyang pamilya.

Giasoy ni Gayle nga walo ka tuig na siya nga wala makahimamat sa personal sa iyang inahan tungod kay nanimpad kini ngadto sa laing nasud.

Nagtubo si Gayle nga wala ang inahan sa kiliran. Lisod man alang kaniya apan nakahibalo ug nakasabot lang sab siya sa sitwasyon sa iyang pamilya.

"Gimingaw nako niya. Para nako, mao gyud kini ang pinakagrabe nga kalisdanan nga akong na-encounter. I love my mom more than anything else, ", masulub-ong pagpadayag ni Gayle.

Ang kamingaw nga iyang gibati mao kini ang nagtabang kaniya aron magtarong sa iyang kinabuhi.

"Gihimo nako siya nga  inspirasyon para maningkamot, to strive harder, to educate myself para pud map-proud akong  mom, ilabi na sa pag- deal sa life. And with this, I already know that there's growth within me", saysay pa niya.

Karon, gitugyan niya sa Ginoo ang iyang kapalaran ug nanghinaot siya nga unta dali na moabot ang panahon nga makauli na ang iyang inahan aron nga mahiusa na ang iyang pamilya.

Sa pagkakaron, malipayon siya nga anaa pa siya'y mga kabanay nga nagpalibot kaniya nga sa matag higayon nga aduna siya'y salmutan nga kalihukan, anaa kini mopakpak kaniya.

Dugang pa ni Gayle nga sa matag tungtong niya sa entablado, makabati siya nga bililhon gyud siya tungod sa mga nagsuporta kaniya mao nga paningkamutan niya nga magmalampuson gyud/

"But still, I trust God's process and plan for me. Sa stage, buhaton gyud nako ang gipangtudlo sa akong mentor.  And most especially, by trusting my worth and treasuring those values I have within myself", suma pa niya.

Karon nga naangkon niya ang titulo isip Miss Tabuelan 2019, dako gyud ang iyang pasalamat sa Ginoo/

"Wala gyud ko magdahom nga ako ang mahimong Miss Tabuelan 2019. Bagging this title is a proof that I have the potentials already. I knew my value that I can empower women too and the youth to always conquer our fears and never doubt of our worth", pagtapos pa ni Gayle.

Q & A

BNH: Unsa ang imong pageant advocacy?

GAYLE: My advocacy specifically during Miss Tabuelan was LGBTQIA rights. Naganahan  gyud ko sa  LGBTQIA ilabi na sa pag-deal nila sa ilang kinabuhi.  Gipakita nila kun unsa sila kalig-on  .   Ako gyud hingusgan ang ilang katungod kay love nako sila  ug ako silang girespeto.

BNH: Unsa ang imong mga plano sa kinabuhi?

GAYLE: Mohuman og skwela ug mahimong usa ka propesyonal para makatabang ko sa akong pamilya.

BNH:Unsa imong gikabusihan karon?

GAYLE: As of now, busy ko sa akong pag-eskwela.  Mobawi ko og maayo sa akong performance sa school kay duna’y time nga naka-absent ko sa school  sa dihang na—busy ko sa pageant.  Mobawi gyud ko og maayo, mo-focus ko sa pag-eskwela.

FASTFACTS

Name: Gayle Elizabeth

Salidaga Paz

Nickname: Gayle

Age: 15

Birth date: December 4, 2003

Address: Cole St. Poblacion, Tabuelan, Cebu

Height: 163 cm

Weight: 53 kg

Hobbies: Watching TV, reading confessions

Facebook Account: Gayle Elizabeth Paz

Instagram Account: GayleePaz

Inspirational Beauty Queen: Catriona Gray

Motto: You can achieve your dreams if you have the courage to pursue them.

Titles/Achievements:

-Miss Tigbawan 2019

-Miss Tabuelan 2019