CEBU, Philippines — Sa usa ka entablado, nagbaha ang mga Sugbuanon nga beauty queen atol sa kasaulogan sa ika-2 nga anibersaryo sa GT Cosmetics.
Kini naglangkob nila ni Miss Mandaue 2019 Lorraine Hann, Reyna ng Aliwan 2019 ug Sinulog Festival Queen 2019 Nicole Borromeo ug ang produkto sa Binibining Cebu nga sila si Binibining Cebu 2017 Apriel Smith, Binibining Cebu-Charity 2019 Tracy Maureen Perez, Binibining Cebu-Tourism 2019 Kim Covert ug Binibining Cebu 2019 Steffi Rose Pearson Aberasturi.
Lakip na sab sa mirampa ang mga modelo gikan sa Selfi Institute. Dili matud pa basta-basta ang kaanyag sa mga Sugbuanon.
Ang maong kompanya maoy tigbuhat og produkto nga mopalutaw og samot sa kaanyag sa usa ka tawo. Gipanag-iya kini sa pamilya nga Salvane nga nagikan sa Liloan, Cebu.
Matud pa ni multi-awarded chemical engineer ug ang negosyante nga si Engr. Leonora Salvane nga wala niya damha nga molambo gyud pag-ayo ang iyang negosyo nga gisugdan niya niadtong 1994 sa kapital nga P500 pesos lang.
Nagsugod lang kini sa produkto nga sabon hangtud sa aduna na kini toner, cream, mga lotion ug makeup line, nga mao karon ang sagad nga makita sa mga inila nga mga mall ug parmasya dinhi sa Sugbo ug lukop nasud.
Gisaysay ni Engr. Salvane nga usa sa dako nila nga sekreto mao ang pagpaminaw sa mga sugyot sa mga tawo.
Nagsagol ang mga ideya nga nagikan sa mga sugyot, ug mao kini ang motabang og hulma alang sa makab-ot nga desisyon.
Dako ang ilang pagpasalamat nga daghan ang nakauyon ug mao na kini ang mitabang sa pagpakatap sa maayong balita nga adunay ingon niini nga klase nga produkto nga angayan nga gamiton ug ipanghambog ngadto sa tibuok kalibutan.
Sa 25 ka tuig sa industriya ,nagmalaumon si Engr. Salvane nga magpabilin nga lig-on ang pundasyon sa kompanya karon ug ipabilin ang kabilinhon sa gisugdan nga negosyo.
Tungod kay espesyal gyud ang makab-ot sa ilang pamilya ug sa ilang gipanag-iya nga kompanya, wala na gyud ang-anga ang pagpaghigayon og selebrasyon pinaagi sa engrade nga fashion show.
Ang fashion show nahitabo didto sa Robinson’s Galleria Atrium dili pa lang dugay.
Ang nahimong host sa maong kalihukan mao ang mga brand ambassadress nga sila si Blinky de Leon ug Phoebe Fernandez.
Gisul-ob sa mga modelo ang mga mugna nila ni Yoko Sato, ATE by Tata Dela Calzada ug Celine Borromeo.
Mas misidlak pa gyud ang maong pagsaulog gumikan kay gawas nga gipasundayag ang mga produkto sa GT Cosmetics, gipaila-ila na sab sa kinabag-an ang nagpadayon nga giila sa mga kababayenhan ,ang lokal nga bag nga mao ang Jelly Marie nga gipanag-iya sa anak ni Engr. Salvane nga si Jellie Marie Salvane-Villamor.
DIli usab niya kalimtan ang pagpasalamat sa Ginoo gumikan kay mao kini ang nag-unang rason nga nilambo og samot ang iyang negosyo.