CEBU, Philippines – Nahimuot gyud og maayo si Dimples Romana sa nagbaha nga memes sa social media mahitungod sa iyang karakter isip Daniela Mondragon Bartolome sa teleseryeng Kadenang Ginto. ‘ Ang iyang hulagway nga nakasul-ob og puwa nga gown nga nagbitbit og bagahe mao karon ang nag-trending online. Matud pa ni Dimples nga dili gyud siya mahutdan og katawa tungod sa mga pakalog sa mga Pinoy kabahin sa maong hulagway. Gipang-edit ang hulagway ug naabot siya sa bisan asa nga dapit sa nasud.
Nagtagbaw gyud
Gikalipay ni Paolo Contis nga gibarugan ni John Lloyd Cruz ang pagkuha og indefinite leave sa showbiz. Matud pa ni Paolo nga mahimo na kini ni Lloydie tungod kay nakatigom na kini og husto human nga misikat og maayo kaniadto tungod sa pagbida og mga pelikula. Nakita sab ni Paolo nga maayo kini nga desisyon ni Lloydie aron nga mabawi ang mga panahon nga nasakripisyo niya ang mga butang nga gusto niyang buhaton.
Gipasalamatan si Dimples
Gipasalamatan ni Neil Arce si Dimples Romana gumikan kay dako kini og natabang aron nga malampuson ang engagement nila ni Angel Locsin. Nagpatabang si Neil ni Dimples aron makuha ang ring size ni Angel.
Naglisod og tubag
Giasoy ni ‘Eerie’ star Gillian Vicencio nga gikalipay niya nga dako nga production ang iyang nahimong labing unang proyekto sa iyang showbiz career. Matud pa niya nga dream come true gyud nga makasuway og international screening ang iyang pelikula. Asoy pa niya nga mas nakulbaan siya sa premier night niini gumikan kay gialirongan siya og foreign media. Giangkon niya nga dili kaayo siya kahibalo manubag.
Mi-audition sa Darna
Ang rising artist ug bag-ong Star Magic artist nga si Arielle Roces ang gipanglantawan nga mohupot sa role nga Darna. Matud pa niya nga wala niya damha nga sa pagpaubos niya og audition sa maong pelikula, gitunulan siya og script na pang-Darna. Dugang pa niya nga wala pay resulta sa maong audition . Kun siya gani ang makaangkon sa maong role. buhaton niya ang tanang paagi aron mahatagan og hustisya ang maong iconic role.
Bus boy, mag-artista
Lakip sa Star Magic Circle 2019 si RA Lewis. Ang maong rising artist nahimong viral tungod siya ang bus boy sa Hong Kong. Matud pa ni RA gituman niya ang pangandoy sa iyang apuhan nga gusto gyud nga sudlon niya ang kalibutan sa showbiz.
Rock chic
Human sa malampuson nga pagbida sa pelikula nga ‘Sunshine Family’, mobida na sab ang Kapamilya star nga si Sue Ramirez sa usa ka concert. Ibida ni Sue ang iyang katakus sa pagkanta. Mag-ulohan kini og ‘Rock Chic’ nga mahitabo karong Hulyo 19 sa Music Museum.
Bag-ong tandem
Gawas ni Alden Richards ug Kathryn Bernardo, namugna na sab karon ang bag-ong tandem nila ni Maris Racal ug McCoy de Leon. Ang ilang unang tandem ipakita sa pelikula nga ‘Block Z’.
Official soundtrack
Ang awit ni Janine Teñiosa mao ang mahimong official soundtrack sa pelikula nila ni Nadine Lustre ug Sam Concepcion nga ‘Indak’. Mag-ulohan ang maong awit og “Hindi Tayo Pwede”.
Gitabangan ni Melai
Gisaysay sa ‘Kadenang Ginto’ star nga si Francine Diaz nga dili gyud niya mahikalimtan ang dakong tabang nga nahatag ni Melai Cantiveros ngadto kaniya ug sa iyang pamilya. “Totoo po ‘yon. Muntik na kaming mapalayas noon. Wala kaming [kuryente] noon. Nakaligpit na ‘yung gamit na, nasa box na, nakaayos na. Tapos hindi namin alam kung saan kami lilipat. Tapos pinakiusapan namin si Ate Melai kung puwedeng manghiram ng ganito-ganyan. Tapos sumagot pa siya and ‘yun nakabayad kami ng renta namin at sa kuryente. Kaya hindi po kami napalayas dahil kay Ate Melai,” saysay pa ni Francine.