CEBU, Philippines — Matinahurong gipasabot ni Angelica Panganiban ang usa niya ka fan nga dili siya mosugot nga kuhaan siya og hulagway ilabi na og wala siya magtrabaho o kun nagbakasyon siya. “Sorry, I wasn’t working that time. I hope you understand and respect my privacy. I love hugs , pagpasabot pa ni Angelica sa iyang fan.
Dream destination
Dream come true alang kang Yen Santos ang makatikang sa Paris, France. Matud pa ni Yen nga dream destination kini niya mao nga dali gyud siya nga nagpakuha og hulagway sa sikat nga Eiffel Tower.
Mobalik sa The Voice
Gikumpirmar ni Lea Salonga nga mobalik siya isip coach sa ikaupat nga season sa The Voice Kids. Matud pa ni Lea nga bisan og busy siya sa iyang ubang kasikas sa iyang career apan aduna siya’y dako nga katungdanan nga mahimong kabahin sa maong show.
Gipasaylo na
Gipasaylo ni Cherry Pie Picache ang suspek nga mipatay sa iyang inahan nga si Zenaida Sison.Lima ka tuig na ang nakalabay human nga nahitabo ang maong insidente.
Beauty secret
Gibutyag ni Sunshine Cruz kun nganong pabilin nga batan-on ug maanyag gihapon siya bisan og 42 anyos na siya. “Mahilig akong matulog. Hindi naman ako gumigimik. I don’t smoke. I just drink wine occasionally—a glass or two of red wine or white wine. Exercise din”, suma pa ni Sunshine.
Gipailaila na sa amahan
Gikumpirmar ni Leila Alcasid nga “dating” na ang ilang status sa singer nga si Curtismith nga dunay tinuod nga pangalan nga Mito Fabie. Matud pa ni Leila nga gipailaila na kini niya sa iyang amahan nga si Ogie Alcasid. Dugang pa ni Leila nga si Curtismith mao ang labing una nga Pinoy nga iyang naka-date.
Okay sa bug-at nga role
Wala gyud magduhaduha si Sue Ramirez sa pagdawat sa role isip usa ka sex worker sa pelikula nga ‘Cuddle Weather’ nga usa sa mga entry sa 2019 Pista ng Pelikulang Pilipino. Matud pa niya nga wala siya’y nakita nga malisya sa iyang lawas mao nga hunahuna niya nga dili sab bastos ang iyang role. “I like to take on things that I’m afraid to do. And I think this is a big step kasi ako yung tao na… wala kasi akong malisya sa katawan, eh. So it’s going to be a different attack on this movie”, suma pa ni Sue.
Na-pressure sa resulta
Gitug-an ni Bb. Pilipinas-International Patch Magtanong nga dili lalim ang iyang nasinati nga pressure sa dihang humot na ang iyang pangalan sa publiko samtang wala pa gipahibalo ang resulta sa bar exam. “I knew in my heart that I was going to join [Bb. Pilipinas], but there was doubt because I’m sure you can imagine Tito Boy [Abunda] how difficult it is to not pass the bar exam and imagine how much more difficult if you’re a public figure”, pagbahin ni Patch.
Dayon ang kasal
Si Senator Bong Revilla na ang mikumpirma nga magminyo na karong tuiga ang iyang anak nga si Jolo Revilla ngadto sa beauty queen nga si Angelica Alita. Una na nga gipadayag ni Jolo nga segurado na gyud siya kang Angelica.