CEBU, Philippines – Nagmaya kagahapon ang Pinoy fans sa K-POP human nga niulbo ang report nga mobalik sa Pilipinas ang idolo nila nga si Jay Park. Ang pagtikang niya sa nasud kabahin sa Sexy 4Eva” world tour. Gipahibalo kini sa Korean-American performer pinaagi sa iyang social media account.
Gawas sa Pilipinas, mag-concert pud si Jay sa Hong Kong, Tokyo, Osaka, Thailand, Kuala Lumpur ug Taipei.
Karong September 22 pa ang maong show apan nagpanikad na og maayo niini ang mga Pinoy nga mahiligon sa K-Pop.
Alden gihangop sa ABS-CBN executives
Gihangop si Alden Richards sa mga kadagkoan ug mga empleyado sa ABS-CBN. Nitikang si Alden kagahapon sa maong network alang sa shooting sa ilang video plugs sa umaabot nila nga pelikula ni Kathryn Bernardo nga “Hello, Love, Goodbye.”
“Welcome to ABS-CBN,” mensahe pa ni Kathryn ngadto kang Alden.
Gi-pray over usab sila si Alden ug Kathryn sa usa ka pari alang sa kalampusan sa ilang pelikula ug nahitabo kini sulod sa buhatan sa Star Cinema.
Aduna pu’y intimate lunch sila si Kathryn ug Alden kauban sila si Star Cinema managing director Olivia M. Lamasan , ABS-CBN president and CEO Carlo Katigbak ug ABS-CBN chairman Mark Lopez.
Nasayran nga ang “Hello, Love, Goodbye” maoy unang pelikula nga giparesan nila ni Alden ug Kathryn. Kasagaran sa mga eksena niini gi-shoot didto sa Hongkong.
Angelica nagka-sexy og samot
Bisan sa kabugnaw sa panahon, wala kini kapugong sa nagkayo-kayo nga ka-sexy ni Angelica Panganiban atol sa pagtikang niya sa Siargao dili pa lang dugay.
Pinaagi sa iyang Instagram account, gipang-post sa aktres ang iyang sexy photos.
Nakadawat og mga pagdayeg gikan sa iyang followers ug mga higala ang nindot nga kurbada sa lawas ni Angelica. Pipila sa nidayeg kaniya mao sila si Judy Ann Santos, Maxene Magalona, Glaiza de Castro, Denise Laurel ug Ina Feleo
Una na nga gipadayag ni Angelica nga mag-enjoy gyud siya og taman sa pag-bakasyon kun bakante ang iyang oras .
BTS pasok sa mobile game
Tungod sa kasikat sa K-pop boy band nga BTS, nakabaton na usab kini og mobile game ug minilyon na ang nagpa-register sa maong application.
Gitawag kini og BTS World nga i-release sa 176 ka nasud sugod karong adlawa.
Nasayran nga dili basta-basta ang popularidad sa BTS ug mao kini ang labing una nga K-Pop group nga nakasulod sa top charts sa US ug Britain . Na sold-out usab ang ilang mga show kaniadto sa Los Angeles, Chicago ug sa Wembley Stadium sa London.
Heart mipaubos og weight loss program
Giangkon ni Heart Evangelista pinaagi sa iyang Instagram post nga mipaubos siya karon og weight loss management program nga HCG o Human Chorionic Gonadotropin.
Nasayran nga okay na daan ang body figure ni Heart apan wala kini nagpapugong sa pagpaubos gihapon sa maong weight loss program. Nag-post og hulagway si Heart sa IG kun diin gi-inject siya sa gitawag niya og #H2DietShots.
Ang pambato sa Sorsogon atol sa Bb. Pilipinas 2019 nga si Maria Isabela Galeria maoy nag-atiman ni Heart sa maong procedure. Nasayran nga usa ka registered nurse si Maria Isabela.
Sa dihang gipangutana si Heart sa usa niya ka follower kun nganong nipaubos siya sa maong program nga sexy naman siya daan ug ni-reply dayon ang aktres og ,” I gained 20 pounds since my wedding. Need to bring back my old body for my movie.”