Nahitabo kang Eddie gipa-imbestigar na

CEBU, Philippines — Kasamtangang nihimo og  imbestigasyon  ang Occupational Safety and Health Center (OSHC) kalabot sa insidente kun diin nadisgrasya matud pa si Eddie Garcia sa set sa teleserye sa GMA-7 nga Rosang Agimat.

Nakabaton og cervical fracture si Eddie ug na-comatose kini. Namatay ang beteranong aktor niadtong  June 20 sa edad nga 90.

Sutaon matud pa sa OSHC kun naka-comply ba sa ilang rules ug standards ang set sa Rosang Agimat.

Giingon nalatid sa maong ahensya nga kinahanglan nga hatagan gyud  og  hamugaway nga working environment ang mga trabahador.

Una na nga nipadayag angmanagement sa GMA nga nihimo usab sila og kaugalingong imbestigasyon.