Labing lisod nga proyekto

CEBU, Philippines — Giangkon ni Jodi Sta. Maria nga ang iyang karakter sa pelikula nga si “Clarita” mao ang labing lisod nga karakter nga iyang naangkon tungod kay delikado gyud kay ang istorya niini nagbase sa tinuod nga panghitabo sa kinabuhi ni Clarita Villanueva nga mao ang labing una nga Pinay nga adunay kaso sa demonic possession niadtong 1953. Matud pa niya nga daghang gibuhat nga stunts sa pipila ka mga senaryo kun diin sudlan siya og yawa.

Bata pa ganahan mosikat

Giangkon sa 2019 Star Magic Circle member nga si Sophie Reyes nga daghan gyud siya og giagian nga mga pagsuway aron nga moabot kaniya ang iyang gitinguha nga mahimong usa ka artista. Gikan sa pamilya sa mga artista si Sophie. Anak siya sa aktres nga si Rina Reyes ug apo sab siya sa tuhod ni Paraluman. Bata pa lang siya nga gusto niya nga mosidlak apan karon lang gyud siya gitagaan og break.

Tsismis ra diay

Mag-uban sa usa ka proyekto sila si Vivoree Esclito, JC Alcantara ug Hashtag CK. Gani, ang tulo mao ang bida sa umaabot nga usa ka episode sa ‘Maalaala Mo Kaya’. Matud pa ni CK nga maayo ra ang dagan sa ilang trabaho. Gitataw ni CK nga dili matuod ang ilang panagbangi kaniadto ug tsismis lamang kadto.

Mensahe ni Vice

May mensahe si Vice Ganda ngadto sa mga tawo nga wala makauyon nga usa siya sa nilingkod nga mga hurado sa singing search nga ‘Idol Philippines’. “Kahit anong explain mo ‘yung mga taong ayaw sa iyo, kahit anong explain mo hindi makikinig. Pero ‘yung mga taong mahal ka, kahit hindi mag explain mauunawan ka”, mensahe pa ni Vice.

Feelennial

Feeling me matud pa sila si Ai Ai delas Alas ug Bayani Agbayani sa ilang bag-ong pelikula nga mag-ulohang “Feelennial”. Ang romantic-comedy movie mapagawas kini sa mga sinehan karong Hunyo 19.

Francis, ni-graduate na

Nitapos na sa iyang pagtungha sa high school ang kanhi child star ug karon teen star nga si Francis Magundayao. Lakip sa listahan sa mga adunay honor ang aktor. Plano ni Francis nga ipadayon ang iyang pagtuon sa kolehiyo.

Dunay something

Gibutyag sa PBB Otso teen housemate nga si Ashley del Mundo nga adunay ‘something’ tali nilang duha sa iyang kauban nga housemate nga si Lance Carr. Matud pa ni Ashley nga grabe gyud ang ilang kasuod kaniadto ni Lance sa dihang anaa pa sila sa Camp Star Hunt apan naputol lang kini sa dihang nahimo na sila nga opisyal nga housemate. Dinhi na sab nga nakaila na ni Lance si Angela Tungol nga mao ang usa sa mga lig-on karon nga housemate ni Kuya.

Gipabakasyon ang yaya

Gituman ni Wil Dasovich ang usa sa mga pangandoy sa iyang katabang nga si Lesli nga makabakasyon gawas sa Pilipinas. Sa bag-ong vlog nga gipagawas karon ni Wil, gipakita niya nga gikuyugan ug gigastuhan niya og bakasyon ang iyang katabang sa Hong Kong Disneyland.

Dunay komunikasyon

Bisan pa man og dili maayo ang relasyon nila Ruffa Gutierrez ug Yilmaz Bektas apan  giklaro sa ilang anak nga si Lorin Gutierrez aduna gihapon sila’y komunikasyon sa iyang amahan. “I have his number. I have his WhatsApp. We call, we text”, suma pa ni Lorin.

Magmatinud-anon sa komento

Gipaniguro ni Cherie Gil nga magmatinud-anon gyud siya sa iyang mga buhian nga mga komento inig lingkod na niya isip hurado sa ‘Starstruck’ Season 7. “I don’t want to be brutal, but I just want to be honest. Like I said, my honesty is too honest for my own good. I will try to be gentle as much as possible”, suma pa niya.