Start Small

Almost two years ago since nagsugod ko #raiselling (reselling). Nagsugod gyud to sa lumpia nga ubod sa kawayan nga akong gi-upload sa facebook. Daghan kaayo nangutana asa makapalit ato akong gikaon so I eventually decided nga ako na lang ang mamaligya. So sa sinugdanan, 10 packs ra to ang order hangtud nga nagkadaghan ang order, nagkabug-at na akong dad-on. #Raiselling ra to. P10 akoa ato kada putos, nga bayran nako inig ka gabii kun mahalin na akong gibaligya.

And then nisunod ang sweet  chilli pusit and dilis. Mao gihapon, manguha ko og order via facebook, unya akong ipadeliver sa office. Bayran nako kun mahalin na tanan. Patungan lang gihapon og gamay. Hangtud nagkadaghan na ang magpa #raisell nako. Same system—wala gyuyd koy kwarta gipagawas. Dili sab to matawag og consignment kay ang nahisgutan nga sistema, imoha mana’ng iuli ang produkto after how many days nga dili mahalin.

Trust and confidence gyud to.  Laway ug dagway ray puhunan. Laway because wala koy capital nga kwarta nga gipagawas. Dagway because akong kredibilidad ug ngalan ang nakataya. Nisalig ang supplier nako, ug ako gyud giampingan nga dili maguba ang maong pagsalig because it works for the both of you. Mahalinan ang supplier kay nitabang ka og baligya. Maka kwarta sab ka og gamay kay nisugot si supplier nga mutabang ka og baligya. In short kamong duha ang maka kwarta. And you are helping each other.

So two years after, naa nako sa punto sa #raiselling nga makapamalit na ko og produkto basta dili lang mulapas og P5,000 ang capital. Kana nga kapasidad gikan na sa akong ginansya nga ako gyud gitigom bangko. Kay remember katong naghisgot ko nga gisulod nako ang akong ginansya og botelya? Wa gyud ko ka tigom at okay makuot man gyud nako. Atleast now nga naa na siya sa bangko, unya passbook akong gigamit, dili nako makadali-dali og kuot kay hasulan ko hangtud kapuyon na lang ko, maong di ko muwithdraw kun dili gyud for a certain purpose. Pakkk!

By the way, kun kugihan lang gyud ka, naay daghan nindot nga produkto sa facebook. Food products kasagaran from anywhere in the Philippines. Gamay ra og capital kinahanglan, unya pwede imohang brand label gamiton. Meaning, pwede imong ngalan ibutang sa produkto. Like sa akoa, nipalit ko og gourmet toyo ug taba ng alimango from Luzon, akong gipabutang nga brand label kay, “Raiseller’s Choice.” Yes, mura na gyud ka og naa kay imong kaugalingong produkto in your name. Pakpak!

But then, kun wala pa gyud moy capital, I –add ko sa facebook kay I might have a business opportunity for you. Basin muabot na sa point nga ipa resell nako ninyo akong mga baligya. If not if you want to go bigtime, because you have big dreams, ongoing pa gihapon to akong giingon last Sunday nga business nga walay capital basta magkugi ug determinado lang gyud mo. Maong i-add ko sa facebook aron dungan kitang tanan nga muasenso sa hinay-hinay.  Akong fb account mao ni: Rai Seller.

Have a blessed Sunday, dear okRYANians!