Sandara hindi biktima ng network war sa Korea

Grabe naman tayong spoiled sa Korean trip natin with Megasoft Aileen Go, Salve.

Ang aga niya sa airport dahil early flight tayo, she made sure na breakfast muna tayo sa NAIA 3 branch ni Ka Tunying.

Pagdating sa Incheon, kinulit agad ni Aileen ang tourist guide natin para mag-lunch ng bulgogi Korean beef dahil feeling niya gutom tayo.

Alagang-alaga niya tayo just like Rubby Coyuito ng Flawless, Cris Roque ng Kamiseta, kay Papa Albee at Dra. Vicki Belo may padala sa atin na personal assistant like Millet at Tet.

Si Aileen, kasama si Elena Budingding na personal tayo na inalagaan.

At kahit nga, dalawang secretary ang dala ni Rubby na si Anna 1 and 2, grabe dahil touching pa rin ang pag-aalaga sa atin ni Aileen na talagang Megasoft  ang caring at pagmamahal.

Hindi na nga ako sanay na magbiyahe ng solo dahil spoiled na ako nang husto ng mga travel buddy natin na para tayong mga precious gem kung alagaan.

Abangan mo ang next invite nina Rose at Elena sa susunod na presscon na maglo-launch sa bagong horror queen ng showbiz, private joke siya ng K-Pop Megasoft group, ang bagong hashtag ng grupo natin at ng baby na si Sandara Park.

At mabuti na lang, pagod ako nang magpaalam ang tour guide natin na si James na  pupunta siya sa funeral parlor para sa isang friend niya na namatayan.

Balak ko sana na sumama kay James dahil curious ako. Marami akong Koreanovela na napanood na may mga eksena ng wake kaya gusto ko na ma-feel ‘yon.

Ano kaya ang magiging reaction ng mga nasa funeral parlor kung nag-join ako kay James? Hindi naman siguro violent?

Masaya talaga kapag enjoy kayo ng mga kasama mo sa abroad dahil kung anu-anong drama ang nagagawa n’yo.

Heto na kami Sandara Park. Wait mo kami dahil guguluhin namin ang pananahimik mo sa Korea.

Sikat na sikat pa rin si Sandara Park sa Korea pero mas kilala siya sa kanyang screen name na Dara.

Dalawa ang television program ni Sandara sa Korea na parehong reality show, ang Video Star at ang Stage K.

Si Sandara ang host ng Video Star at K-leader naman siya sa Stage K na napapanood sa mga television network na MBC at JTBC.

Yes, enjoying the best of both worlds si Sandara dahil hindi yata uso sa South Korea ang network war kaya napapanood siya sa mga programa ng magkaibang network na dating nangyayari sa Pilipinas pero hindi na ngayon bilang matindi nga ang network war sa bansa natin.

GF ni Jolo di sinipot ang Binibini

Magkasama na nagbabakasyon sa Amerika si Jolo Revilla at ang kanyang girlfriend na si Angelica Alita.

Marami ang curious kung engaged na raw ba ang dalawa dahil sa singsing na suot ni Angelica.

‘Yan ang itatanong ko kay Jolo na in love na in love kay Angelica na first runner up sa Bb. Pilipinas noong 2016.

Ang akala nga ng beauty pageant fans, sasali uli si Angelica sa Bb.Pilipinas ngayong 2019 pero hindi naman siya nagpakita sa screening. Mas nakita pa nga si Angelica sa mga campaign rally ni Jolo na nangampanya pa rin, kahit unopposed siya bilang vice-governor ng lalawigan ng Cavite.