SEEN: Hindi apektado si Pasig City Mayor-elect Vico Sotto sa electoral protest na isasampa laban sa kanya ng outgoing mayor na si Bobby Eusebio.
SCENE: Inihahanda na ni Coco Martin ang pelikula na isasali nito sa 45th edition ng Metro Manila Film Festival sa December 2019 pero sikreto pa ang mga big star na makakasama niya.
SEEN: Ang balita na apektado ng break up nina Joshua Garcia at Julia Barretto ang shooting ng horror movie na ginagawa nila kaya apektado rin ang production staff.
SCENE: Extended ang Dragon Lady dahil habang tumatagal, lalong gumaganda ang kuwento at mga eksena ng afternoon drama-fantasy series ng GMA 7.
SEEN: Kapwa nagluluksa sina Rita Avila at Maureen Larrazabal dahil sa pagpanaw ng kanilang mga ama. Parehong hindi sinabi nina Rita at Maureen ang mga sanhi ng pagkamatay ng mga tatay nila.
SCENE: Tikom pa ang bibig ni Jiggy Manicad tungkol sa kanyang mga plano matapos mabigo ang kanyang senatorial bid sa midterm polls noong May 13, 2019.
SCENE: Tatlo na ang anak ng isang sikat na aktor sa kanyang non-showbiz girlfriend na hindi niya inilalantad sa publiko. Very secretive ang aktor sa kanyang personal life dahil gusto niya ng tahimik na buhay.