CEBU, Philippines — Nangandam na matod pa ang aktor nga si Joem Bascon alang sa kasal nila sa iyang longtime girlfriend nga si Crisha Uy. “Puwede na kami magpakasal. Nag-iipon na. Konti na lang. I’m hoping na sa lahat ng mga films na ginagawa ko ay makaipon ako (laughs),” paambit pa sa aktor.
Naka-block na!
Tsika pa ni Barbie Imperial nga wala na sila’y komunikasyon sa iyang kanhi ka-love team nga si JM de Guzman gumikan kay iyaha na kining gi-block.
Naglikay si Barbie nga makasulti og bati sa aktor busa ang pag-block maoy solusyon aron malikay sa maong binuhatan.
Una na nga nigawas ang hungihong kaniadto nga puwerting lagota ni Barbie kang JM gumikan kay kalit lang kini nabugnaw kaniya ug nakadungog na lang siya nga duna kini gidiskartehan nga laing babaye.
Sundo ni Matteo
Mogama og kaugalingon niya nga version sa awit nga Sundo ang Sugbuanon nga actor-singer nga si Matteo Guidicelli.
Nasayran nga ang grupong Imago maoy orihinal nga nagkanta sa maong awit .
Ang Viva Records maoy mopaluyo sa cover version ni Matteo sa Sundo.