CEBU, Philippines — Walay kahadlok nga gitubag ni Kris Aquino ang iyang basher kinsa mitunglo niya nga unta mahilu kini sa gikaon nga balut kauban ang iyang anak nga si Bimby. “I am so done with being bullied by insane people like you who (do) it with fake accounts. Kung gusto mo talaga kaming lasunin JUST DO IT and stop hiding behind freaking made up IG accounts. Tulog ka na raw, your dad Satan says it’s time for bed”, bwelta ni Kris.
Nganong nag-vlog?
Gawas sa pag-arte, busy sab karon og paggama si Erich Gonzales sa iyang personal vlog nga kanunay niya nga gi-post sa iyang Youtube channel. Matud pa ni Erich nga gisulod kini niya’ng maong buhat aron nga mas maila pa siya sa mga tawo ug dili siya hukman bas e sa karakter nga iyang gidala kaniadto.
Mori-darren version
Childhood dream nila ni Morissette Amon ug Darren Espanto ang makahimo og version nga mapadungog sa kadaghanan ang awit nga paborito nila nga mao ang “A Whole New World”. Ang ilang version mao ang madungog na karon dinhi sa nasud sa pag-promote sa live-a ction movie nga “Aladdin”.
Talagsaon nga setup
Gisaysay ni Dawn Chang nga talagsaon gyud ang setup sa iyang pamilya. Matud pa ni Dawn nga iyang biological mother usa kini ka ka lesbiana o tomboy. Asoy pa ni Dawn nga wala kadawat kaniadto ang iyang inahan nga nagsabak kini kaniya tungod kay dili niini boyfriend ang nakapaburos niya. Nasabtan na sab niya kun nganong dili siya madawat kaniadto sa iyang inahan.
Kanunay nga mobisita
Sukad nga mipanaw ang ex-boyfriend ni Angel Locsin nga si Miko Sotto, consistent ang aktres sa pagbisita sa lubnganan niini matag tuig kun death anniversary ug kun birthday sab niini. Tuig 2003 nga mipanaw si Miko human nga aksidente nga nahulog sa gipuy-an nga condominium.
Kanunay nga fresh
Gikagubtan karon sa netizens ang bag-ong hulagway nga gi-post ni Heart Evangeslista sa iyang IG account. Mao kini ang sosyal gyud ang OOTD samtang naglimpyo sa bowl sa kasilyas. Ang unod pa sa kapsyon ni Heart mao nga kanunay gyud nga fresh sa matang gimbuhaton matag adlaw.
Andam sa giyera
Suportado ni Sarah Geronimo ang kasikas sa iyang boyfriend nga si Matteo Guidicelli nga mao ang pagsulod sa Army. Miyembro na karon si Matteo sa Army Reserve Command. Matud pa ni Matteo nga andam siya nga ipada sa giyera gumikan kay mao kini ang iyang sa pag-alagad sa atong nasud.
Shine XXII AD
Human sa 22 ka tuig nga showbiz industry, hingpit na nga makaangkon og major concert ang stand-up comedian nga si Anton Diva kinsa ka-batch ni Vice Ganda sa pagsulod sa maong industriya. Ma-ulohan ang maong concert og “Shine XXII AD,” nga mahitabo karong Hunyo 15 sa Cuneta Astrodome. Special guest ni Anton si Vice Ganda ug ang giidolo niini nga si Regine Velasquez.
Nanglimpyo
Bisan og magpa-relax, nanglimpyo si Jasmine Curtis sa baybayon sa ilang gibakasyunan kauban iyang boyfriend nga si Jeff Ortega. Gipakita ni Jasmine ang usa ka plastic bag nga napuno sa basura.
Lalaki ang gisabak
Nakaambak gyud sa kalipay ang basketbolista nga si David Semerad sa dihang nasayran nila nga lalaki ang gisabak sa aktres nga si Gwen Zamora. Matud pa ni Gwen nga atol sa baby gender party na sila duhang nakahibalo ni David nga lalaki ang iyang gisabak gumikan kay ang iyang igsuon nga si Thea Jimenez lang ang nakahibalo niini. Dugang pa ni Gwen nga lalaki sab gyud ang ilang gusto nga mahimong first baby.