Wala naibog

CEBU, Philippines – Giklaro  ni Kit Thompson nga wala silay relasyon ni Pia Wurtzbach kaniadto.  Matud sab niya nga wala siya ma-attract sa  beauty queen. Dugay na sila nga  “good friends” ni Pia busa dili sila angayan intrigahon.

Naglisod niadtong 2018

Nahimong busy karon ang Kapamilya star nga si Roxanne Barcelo. Matud pa niya nga nagbaha ang iyang mga proyekto karong single na siya. Sa miaging tuig, mao ang labing lisod nga tuig alang kaniya. “Last year was kind of rough for me because I was going through a really bad breakup. It’s my second year na I’m single but I rediscovered myself, I’m finding so much love for myself and I want to encourage the people around me through what I do and just bring smiles everywhere. Let’s just enjoy and live a good life”, padayag pa niya.

Ano ba ang meron?

Naninguha nga makaangkon og spotlight ang Hashtag member nga si Rayt Carreon. Nipagawas og single si Rayt alang sa iyang mga fans. Nag-ulohan kini og “Ano Ba Ang Meron?”

Gikataw-an ang kaugalingon

Gikataw-an og maayo ni Daniel Padilla ang iyang mga hulagway sa dihang nipaubos pa lang siya og audition sa Star Magic pipila ka tuig na ang nilabay.  Wala sab gyud siya mauwaw nga i-repost ang iyang karaan nga mga litrato nga nalakip sa usa ka teaser nga gipagawas sa Star Magic alang sa “The Journey to Star Circle” nga ipagawas karong May 15.

Gimingaw sa pag-arte

Gibutyag ni Enchong Dee nga wala siya magdali nga modawat og TV projects. Giangkon niya nga gimingaw siya og arte alang sa usa ka serye. “Oo naman siyempre nami-miss ko pero sabi ko nga ayoko naman mag-teleserye para may trabaho ka lang. Gusto ko yung maganda naman na teleserye. Aantayin ko na lang siya”, suma pa ni Enchong.

Baby Dylan

Gipakita na sa  kanhi PBB housemate Kamille Filoteo ang iyang ikaduhang anak human kini  gihimugso sa miaging adlaw lang. Usa kini ka batang lalaki ug ginganlan kini nila og Baby Dylan.

Julie sings the divas

Angayan nga atangan karong Hulyo 20 ang umaabot nga konsyerto nga ipahigayon sa  Asia’s Pop Sweetheart nga si Julie Anne San nga mag-ulohan og “Julie Sings the Divas”. Mahitabo kini sa The Theatre at Solaire.

Dream guest

Pasok ang pangalan sa phenomenal actress nga si Maine Mendoza sa  mga dream guest nila ni Boobay ug Tekla sa ilang show nga  “The Boobay and Tekla Show”. Nanghinaot ang duha nga unta dunggon ni Maine ang ilang pabor nga bisitahon silang duha sa ilang show.

Ma-insecure sab

Wala gitago ni Daniel Matsunaga nga  niabot sa  punto nga dili sa tanang higayon nga confident siya sa iyang lawas ug barog. “Yes naman specially kapag mga ganyang situation na everybody’s just looking at you. It’s happened to me many times. Before when I was younger I used to be medyo chubby ako dati. Siyempre kailangan ng effort talaga. Since I was young I really forced myself to do things that we find hard but you need extra effort to achieve things in life”, suma pa ni Daniel.

Makita sa reality search

Gipahibalo ni Heart Evangelista nga dugay pa siya mobalik og  arte sa usa ka soap opera sa Kapuso network. Ulahi nga nakita sa usa ka TV project  ang aktres niadtong 2017 sa serye nga “My Korean Jagiya. Matud pa ni Heart nga bisan og wala siya’y acting project pero makita gihapon siya sa usa ka reality search sa maong network.