CEBU, Philippines – Malipayong gibutyag ni Isabelle Daza nga nalakip ang iyang inahan nga si Gloria Diaz sa sikat nga Netflix series nga Insatiable.
Gipakita ni Isabelle pinaagi sa Instagram kun diin nalingaw pag-ayo ang iyang inahan sa pagpahulagway sa set sa maong hit series.
Nagpahulagway usab si Gloria sa American actor nga si Dallas Roberts kinsa nidala isip abogado ug pageant coach sa Insatiable.
“Working with Dallas Roberts on the set of Insatiable of Netflix. I am excited/nervous/feels like I am a beginner/can’t remember my lines/and just totally overwhelmed,” suma pa sa social media post ni Gloria.
Nailhan sa kadaghanan si Roberts gumikan sa pagdala niya sa karakter ni Milton Mamet sa ikatulong season sa The Walking Dead.
Pinay nahinabi ang Game of Thrones stars
Suwerte kaayo ang usa ka Filipina human nahimamat sa personal ang pipila ka mga bitoon sa Game of Thrones sa dihang nitikang siya sa Europe.
Sa Facebook post sa TILT, nagmaya og maayo ang babaye nga ginganlan og Inxs Singson-Nazareno gumikan kay susama sila og hotel nga giistaran atol sa taping sa maong show.
“We were in Dublin for a work thing and wanted to take a side trip to Belfast for the GoT Tours. As luck would have it, they were filming season 7 at that time and we were staying in the same hotel as the cast! We saw Maisie (Arya Stark) as we were checking in and Edd, Bran, and Sam (yes character names) we chanced upon at the hotel bar and I kept thinking how to have a photo with them,” saysay pa ni Nazareno.
Dugang pa niya nga nahinabi pa gyud niya ang mga artista sulod sa pipila ka minutos.
“I figured, send them drinks! So we did! Next thing we knew, they were coming over our table, I turn around and there was Bran holding out his hand, ‘Hi! I’m Isaac!’ We talked for the next 15 mins. and now it’s the highlight of my life (next to my wedding and the proposal ),” dugang pa niya.
Catriona gi-interview mismo ni Tyra
Ang banggiitan nga model nga si Tyra Banks mao mismo ang nag-interview kang Miss Universe 2018 Catriona Gray alang sa usa ka feature sa V Magazine.
Nahisgotan sa interview ang adbokasiya ni Catriona sa pagtabang sa mga bata.
Gihulagway ni Catriona si Tyra nga mapaubsanon ug “empowering woman.”
“Speaking with @tyrabanks, (once I overcame my major fan-girling) she resonated as such a humble and empowering woman to me. She shared with me her term #Flawsome - seeing perceived flaws as beauty, uniqueness and strength,” suma pa sa IG post ni Catriona.
Kahinumdoman nga usa si Tyra sa nidayeg og maayo sa performance ni Catriona sa Miss Universe.
“I’m still recovering from your ‘Lava Walk at the Miss Universe pageant. I just kept watching and rewatching, like, What’s her secret? I was totally fangirling!” mensahe pa ni Tyra ngadto kang Catriona kaniadto.
#BalakangBabe
Gibarugan gyud ni Julie Anne San Jose ang pagtawag kaniya og #BalakangBabe pinaagi sa iyang latest photo sa Instagram.
Gipistahan pag-ayo sa iyang followers ang hulagway niya kun diin nagsul-ob siya og puti nga bikini ug nilutaw ang kurbada sa iyang lawas. Pipila ka oras human niya kini gi-post sa Instagram, nakabaton dayon kini og liboan ka likes.
Kahinumdoman nga si Megan Young maoy nagpauso sa termino nga #BalakangBabe.