CEBU, Philippines — Naghinam-hinam na gyud ang Grammy-winning performer nga si Jason Mraz gumikan kay aduna siya’y ipahigayon nga konsiyerto dinhi sa nasud nga mag-ulohan “Good Vibes 2019” sa Mall of Asia Arena karong Mayo 8.
Lima ka tuig na ang nakalabay human una kini nga nakapahigayon og konsiyerto ug mipadungog sa iyang mga awit sa iyang Pinoy fans.
Mapasalamaton ang 41- anyos nga singer tungod sa paghangop nga iyang nadawat gikan sa iyang fans dinhi sa nasud.
Gibutyag sab niya nga si Renee Dominique kinsa usa ka Pinoy artist mao ang nakahimo na og kolaborasyon kaniya sukad sa iyang first major debut album niadtong 2002 nga ‘Waiting for My Rocket to Come’.
Si Renee mao ang usa sa mga angayan nga atangan nga guest ni Jason sa concert niini sunod buwan.
“I made contact with Reneé and we wrote a song together recently. That will be coming out, I believe, early this summer. Probably in late May. We did all that collaboration by the Internet. But she’ll be joining me at the concert in Manila so we can perform our song together which is very exciting,” suma pa ni Jason.