Netizen gipalaw sa anak ni Ruffa

CEBU, Philippines — Usa ka “classy response” ang gipadangat sa anak ni Ruffa Guttierez  nga si Lorin ngadto sa netizen nga ni-react sa pag-post niya og hulagway sa social media kun diin nagsul-ob siya og swimsuit.

“Itago mo yang katawan mo iha… Dapat may pinaglalaanan yan na special na tao. Wag mong ipagkalandakan,” suma pa sa netizen.

Suma pa ni  Lorin nga siya nanag-iya sa iyang lawas ug komportable usab siya sa iyang panit. “I will not make ‘tago my katawan’ for anyone else and will continue to do what makes me happy and confident and I encourage everyone else to do the same, whatever that may mean for them,” tipik sa tubag  ni Lorin.

Birthday surprise

Mura og naa sa cloud nine ang pamati ni Loisa Andalio sa dihang gisurpresa siya sa iyang boyfriend nga si Ronnie Alonte atol sa iyang 20th birthday .  Emosyonal nga nagpasalamat si Loisa ngadto kang Ronnie gumikan kay mao gyud kini ang nangunay ug mihikutar atol sa iyang espesyal nga adlaw.

Gituldukan ang tsismis

Sa bag-ong Youtube vlog nga gi-post ni Alex Gonzaga, gituldukan na niya ang hungihong nga matud pa nga “mataray” daw nga klase nga pagkatawo ang iyang igsuon nga si Toni Gonzaga. “Hindi siya mataray, mabait ang ate ko, ano lang siya. Serious lang talaga siya in person. Para maging okay kayo pag-usapan siguro niya ekonomiya, relihiyon,” suma pa ni Alex.

Nagsabak

Gipahibalo na karon ni Derrick Colin So kinsa mao ang kapares karon sa kanhi housemate sa Pinoy Big Brother: 737 Teen Edition nga si Kamille Filoteo nga nagsabak na kini sa ikaduhang higayon. Matud pa ni Derrick nga taud-taud nila gitago ang maong panghitabo sa ilang kinabuhi gumikan kay gusto nila og pribado nga kinabuhi ug gipangandaman sab nila ang ilang katungdanan isip mga ginikanan na puhon. Aduna nay anak si Kamille kaniadto gikan sa ex-boyfriend niini nga si Justin Eugenio.

Gikiwawan

Wala gilimod ni Gerald Anderson nga matud pa nga sa nahitabong look test alang sa pelikula nga “Between Maybes”, gikiwawan gyud siya sa iyang kapares nga si Julia Barretto. Matud pa niya nga si Julia ang pinakabata nga aktres nga iyang nakapares sa  usa ka proyekto.

Baby number 2

Excited na sab ang magtiayon nga sila si Kean Cipriano ug Chynna Ortaleza gumikan kay masundan na ang ilang unica hija nga si Stellar. Mao na kini ang panahon nga ilang gihuwat nga makabaton na sila sa ilang baby number 2.

Nagbakasyon sa Bora

Malipayon gyud ang aktor ug ang politiko nga si Jolo Revilla gumikan kay nindot gyud ang nahitabo sa iyang pipila ka adlaw nga bakasyon. Sa iyang Instagram account, kauban niya nga naglulinghayaw ang iyang girlfriend nga si Angelica Alita sa Boracay.

Mangandam

“Temporary lang naman so huwag mag-overreact”, mao kini ang mga pulong nga gibilin ni Kisses Delavin sa iyang mga followers. Mopahuway una sa  social media si Kisses gumikan kay aduna siya’y dako nga gipangandaman.

Buhat sa gugma

Gikilig ang KathNiel fans sa gibuhat nga music video ni Daniel Padilla alang sa hinigugma niini nga si Kathryn Bernardo. Gipagawas ni Daniel ang music video nga nag-ulohan og “Ikaw Ang Aking Mundo” didto sa iyang Instagram account. Sa maong video, gihatagan kini ni Daniel og kapsyon nga “isang produkto ng pagmamahal”.

Dunay youtube channel

Gianunsyo ni Super Tekla nga makabaton na siya og  kaugalingon nga Youtube Channel. Matud pa ni Tekla nga mapakita sa iyang mga videos ang iyang mga kabuang nga dili mapagawas sa telebisyon.

Bug-at nga rason

Usa na si Kris Bernal ang wala migamit og social media niadtong  Semana Santa. Matud pa ni Kris nga aduna siya’y mga katungdanan nga kinahanglan nga unahon. Gawas niini, aduna sab siya’y bug-at nga rason kun nganong gibuhat kini niya. “My decision to abstain massively improved my days. I realized that the less I connect myself with technology and social media, the more I feel human”, suma pa ni Kris.