Manny Pacquiao at Floyd Mayweather nagkita uli!

SEEN: Dahil sa pag-amin ni Jim Paredes, siya na rin ang tumapos sa isyu tungkol sa kanyang video scandal na kumalat noong Lunes, April Fool’s Day pero hindi ito nangangahulugan na mabubura at tuluyan nang mawawala sa Internet ang revealing video niya.

SCENE: Naging usaping pulitika na ang leaked private video ni Jim dahil ang mga DDS o mga supporter ni President Rodrigo Duterte ang pinagbibintangan na nagkalat. Isa si Jim sa mga matitinding kritiko ni Duterte.

SEEN: Ang pagtatanggol ng former singer na si Leah Navarro sa kanyang kaibigan na si Jim. Para kay Leah, isang krimen ang paglabag sa privacy ni Jim at ang pagtatanggol niya ang dahilan kaya siya ang napagba­lingan ng mga basher at hater.

SCENE: May hugot si Lolit Solis laban kay Jim Paredes dahil sa pagtawag nito sa kanya noon na “demented woman” siya. Hindi apektado sa demented woman label sa kanya ni Jim na tinatawag niya ngayon na “demented man.” Brainsick ang other word for demented at baliw sa wikang Tagalog ang kahulugan ng demented.

SEEN: Ngayon ang umpisa ng public viewing sa mga labi ni Mrs. Milagros Santos, ang butihing ina ni Rep. Vilma Santos-Recto. Pumanaw noong April 1 sa edad na 93 ang ina ng multi-awarded actress at public servant. Nakaburol si Mrs. Santos sa Loyola Memorial Chapels sa Sucat, Parañaque City.

SCENE: Bumalik na kahapon sa Metro Manila si Floyd Mayweather, Jr. mula sa sandali na pagbabakasyon sa Boracay island. Kahapon ang inaasahan na pagkikita nina Mayweather, Jr. at ng Filipino boxing champ na si Senator Manny Pacquiao. Marami ang naniniwala na malapit nang matuloy ang rematch nina Floyd Mayweather, Jr.at Senator Pacquiao.