CEBU, Philippines — Talagsaon nga dagan sa istorya nga matawag nga bag-ong putahi alang sa mga Pinoy viewers.
Mao kini ang paghulagway nila ni Tom Rodriguez, Joyce Ching, ug Edgar Allan Guzman sa bag-o nila nga teleserye sa GMA-7 nga “Dragon Lady” nga gibidahan ni Janine Guttierez.
Nitikang ang tulo dili pa lang dugay dinhi sa Sugbo alang sa promosyon sa maong show.
Suma pa sa tulo nga lingaw ra ang maong show sanglit nagtuki kini sa gugma, pagpanimalos ingon man usab ang kinaraang pagtoo sa dragon.
Sa maong serye, kontrabida napud ang role ni Joyce ug nidala siya isip Astrid Chua, ang modaog-daog kang Celestina Sanchez, ang karakter nga gidala ni Janine .
“ Medyo nasasanay na maging kontrabida. Dito naman sa Dragon Lady, yung karakter ko ay medyo seductive. Full on talaga na evil. Wala siyang heart at all kasi hindi naibigay yung love sa kaniya,” saysay pa niya ngadto sa E-Group.
Sikat kaayo si Joyce sa iyang pagka-kontrabida sa pipila ka mga serye sa GMA-7 ,kini sama sa “Dormitoryo” “,Paraiso Ko’y Ikaw”, “Paroa: Ang Kwento ni Mariposa” ug uban pa.
Suma pa ni Joyce nga bisan naanad na siya sa maong klase nga role, nipagawas usab siya sa todo niya nga effort aron usab mapakita ang lahi napud nga timplada sa iyang pagminaldita atubangan sa kamera.
“Sanay na sila na makita akong ganito , pero pinapakita naman natin ang ibang atake sa role ko , basta sobrang sama ko dito,” matud pa niya.
Matud pa ni Joyce nga dili lang normal nga sinagpaay ang makita sa maong teleserye, ug angayan atngan ang bayolente nila nga pagdaog-daog niya sa bida niini.
“Yung sampalan, parang level one lang yan, mas torture pa ang mangyayari , basta iba talaga dito, lulutaw talaga ang matinding kasamaan ni Astrid,” saysay pa niya.
Samtang si JM , nidala sa karakter ni Goldwyn Chen, usa ka negosyante nga gikan sa adunahang Chinese family ug nahigugma kang Celestina.
“Yung character ko dito medyo seryoso. Never ngingiti kahit kinikilig na. Kahit eksena namin ni Celestina, kahit kumbaga nagugustuhan ko na siya, dapat hindi ko dapat ipakita. Kaya masasabi natin na challenging talaga siya,” dugang pa sa aktor.
Aminado si Edgar nga layo ra gyud sa tinud-anay nga kinabuhi ang gidala niya nga role.
“Na- e-enjoy ko naman siya lalo na ngayon , may ibat-ibang scenes na dapat abangan. Excited ako to do it. Gusto ko yung malalaking eksena, full of emotion. Challenging, yet na enjoy ko naman siya every taping day,” matud pa ni Edgar.
Samtang usa ka Filipino-Chinese nga na-develop kang Celestina ang karakter ni Tom .
Suma pa sa aktor nga dunay nag-standby nga acting coach atol sa taping sa maong show aron maseguro nga mahatagan nila og hustisya ang ilang role.
“Masaya sa set, mas lumalalim yung friendship namin , “ hirit pa ni Tom. Suma pa sa aktor nga mao kini ang unang higayon nga nakapares niya si Janine sa usa ka proyekto.
“Sobrang galing ni Janine, approachable siya, kaya wala talagang problema sa set ,” dugang pa niya.
Nalakip usab sa Dragon Lady sila si Diana Zubiri, Maricar De Mesa, James Blanco, Odette Khan, Dexter Doria, Lovely Abella, DJ Durano ug Julie Lee.
Gitubag ni Liza
Gipikhan ni Liza Soberano ang netizen ang nikuwestiyon sa pagsige niya og bakasyon. Ang maong netizen nitambag kang Liza nga kinahanglan mo-focus sa trabaho ug mopahuway na sa pagsige og bakasyon. Matud pa ni Liza nga walay makabuot kaniya sanglit kanunay gyud siya mananghid og tarong sa iyang manager sa iyang pagbakasyon.
Bida ang mag-uyab
Ang mag-uyab nga Khalil Ramos ug Gabbi Garcia maoy mga bida sa pelikulang Last Song Syndrome nga nalakip sa Pista ng Pelikulang Pilipino karong September. “It’s really challenging for us at first na i-convince ang mga manonood if we portray our characters well. Sobrang anxious at first and we keep on asking our director na, ‘Okay lang ba direk?’ but everything came out well naman,” suma pa ni Khalil.
Giidolo si Gabby
Tsika pa ni Jennylyn Mercado nga wala niya damha nga makauban niya sa proyekto ang aktor nga si Gabby Concepcion. Matud pa ni Jen nga dugay na niya nga giidolo gyud ang aktor busa gikalipay niya og maayo sa dihang nahibaw-an niya nga makapares niya ang aktor sa Kapuso rom-com series nga Love You Two.
Nauyonan si Maine
Mahimuot matud pa si Sylvia Sanchez ngadto kang Maine Mendoza gumikan kay nakita gyud niya kun unsa kini ka matinud-anon ngadto sa anak niya nga si Arjo Atayde.