Best in bitbit

CEBU, Philippines – Nagdala gyud  si Maine Mendoza og espesyal nga tawo sa iyang kinabuhi  atol sa grand alumni homecoming sa  De La Salle-College of Saint Benilde.

Nagpauban si Maine sa gidungog niya nga  boyfriend nga si  Arjo Atayde.

Sa nahisgotang tunghaan nahuman ni Maine ang iyang  bachelor’s degree in Hotel, Restaurant, and Institution Management major in Culinary Arts.

Nasayran nga wala na gitago ni Maine ang istado nila ni Arjo  , gani iyaha na kining gipaila-ila sa iyang ginikanan.

“It’s true, I am dating Arjo Atayde. … I wouldn’t deny that our friendship is growing deeper this time. He always goes out of his way to make me extra happy and actually puts in effort in everything he does. I appreciate everything he does for me and I am happy that I get to experience such wonderful things,” saysay pa ni Maine. 

Mga rayna nag-abot sa US

Nag-reunion dili pa lang dugay  sa Amerika ang mga kanhi Miss Universe Philippines  nga sila si  Shamcey Supsup ug Janine Tugonon .

"Thanks for taking the time to meet us @tugononjanine Na miss ka namin! Diba? @isabellamanjon @diannenecio @mj_lastimosa," suma pa sa IG post ni Shamcey

Nasayran nga nagbase na si Janine sa  US ug nagtrabaho isip  modelo. Kasamtangang nibakasyon si Shamcey sa  New York kauban ang iyang bana nga si  Lloyd Lee.

Susama nga produkto sa  Bb. Pilipinas ang duha mga rayna.  Kahinumdoman nga nahimong  Miss Universe 3rd runner-up si Shamcey niadtong 2011. Samtang si Janine maoy  1st runner-up sa Miss Universe 2012 . 

Nora nalandig sa tambalanan

Gikasubo pag-ayo ni  Nora Aunor ang wala niya pagtambong sa  50th Guillermo Mendoza Memorial Scholarship Foundation Box Office Entertainment Awards sa miaging gabii.  Ang aktres  maoy recipient sa  Cora Samaniego Lifetime Achievement Award ug dugay na unta siya nga andam sa maong kalihokan.

Apan nalandig sa  hospital si Nora  naidtong  Sabado gumikan sa hilanat ug  nagngulngol usab ang iyang tiil.

Gipadala nalang ni  Nora sa maong kalihokan ang iyang  speech .

“Hindi po ako perpekto ngunit sa kabila nag aking mga pagkukulang ay patuloy ninyong pinadarama ang inyong pagmamahal para sa isang Nora Aunor. At dahil sa pagmamahal na ‘yan, nagiging mas makabuluhan ang parangal na kagaya nito,” tipik sa mensahe ni Nora. 

Julie Anne ug Gloc-9 mag-uban

Nagpanikad na si  Julie Anne San Jose sa  pag-release sa  music video nga  collaboration nila ni  Gloc-9 nga  nag-ulohan og "Maleta."

Matud pa ni Julie Anne nga puwerting lipaya niya nga nakauban niya si Gloc 9 sa maong proyekto gumikan kay iyaha kining idolo.

Dugang pa sa singer nga pangandoy usab niya nga makauban puhon sa usa ka proyekto  sila si Rico Blanco ug  Chito Miranda.

Gipangandamn usab karon ni Julie Anne ang  Kapusong Pinoy presents Studio 7 Musikalye nga mahitabo karong  Mayo 11 sa King's Theatre sa Brooklyn, New York.

Makauban niya sa maong show sila si  Christian Bautista, Rayver Cruz, Kyline Alcanatara, Golden Canedo, Betong Sumaya,ug  Alden Richards.

Dalagang Pilipina Challenge

Nagmugna pud sila si Sharlene San Pedro, Miles Ocampo, ug  Kristel Fulgar sa kaugalingon nila nga version sa  "Dalagang Pilipina Challenge"  nga gipistahan sa  social media sa miaging adlaw.

Sa Fabook page ni Kristel,  makita ang ilang mga dagway nga nagpakita og pa-cute nga facial expression.

Ang maong challenge gisugdan sa Instagram user nga si  @mimiyuuh nga nimugna usab kaniadto og  interpretative dance version sa  "Kahit Ayaw Mo Na."

Nasayran nga nisakay usab sa maong challenge ang  singer nga si  Yeng Constatino.