Chokoleit huling palabas na ang Fantastica!
SEEN: Sina Coleen Garcia, Ryza Cenon, Pops Fernandez, Paulo Avelino, Enchong Dee at ang The Juans ang mga kasama ni Chokoleit na nag-perform sa Abra Kawayan Festival 2019 nang bawian siya ng buhay noong Sabado, March 9, 2019. Hindi makapaniwala ang mga nabanggit na artista sa sudden death ng komedyante.
SCENE: Jonathan Aguilar Garcia ang tunay na pangalan ni Chokoleit na pumanaw sfa edad na 46 dahil sa heart attack. Huling napanood si Chokoleit sa Fantastica, ang comedy movie ni Vice Ganda na official entry sa Metro Manila Film Festival 2018.
SEEN: Hingal na hingal at hirap nang huminga si Chokoleit nang mag-perform ito sa Abra Kawayan Festival. Namumutla na siya nang umakyat at bumaba mula sa mataas na hagdan. Tinapos agad ni Chokoleit ang performance niya dahil hirap na siya sa paghinga at nang bumalik siya sa backstage, narinig ng audience ang paghingi ng tubig para kay Chokoleit.
SCENE: Ang caption ni Pops Fernandez sa selfie picture nila ni Chokoleit na kuha bago nag-perform ang komedyante: “This photo was taken right before Chokoleit’s performance in Abra. I asked him how he was doing since I haven’t seen him in a long time. His reply, ‘I am doing very well. I’m in a good place. Nakaipon na po ako’. I told him how happy I am for him.......... I am still in shock. Chokoleit, thank you for the laughter. You made the people laugh one last time. RIP.”
SCENE: Madaling-araw na nang mag-perform si Paulo Avelino sa Kawayan Festival kaya alam na niya ang malungkot na nangyari kay Chokoleit. Inialay ni Paulo sa namatay na komedyante ang unang kanta niya.
SEEN: Makikitid ang isip ng mga nagsasabi na nahulaan ni Pokwang ang mangyayari kay Chokoleit dahil sa comment niya sa Instagram post ng komedyante noong January 9, 2019.
“Tapos niyan patay ka na I’m sure!!! Hahahahhaaa waz up madlang pipol nga lang sa Showtime kulang na lang sa’yo oxygen sa hingal bwahahahaaaa Chokoleit Garcia RIP!! @hot_chokoleit bwahahahahaha katapusan mo na!,” ang biro ni Pokwang kay Chokoleit na binigyan ng malisya at ibang kahulugan ng mga Pilipino na naniniwala sa mga pamahiin. Dati nang personal ang mga pang-iinsulto at biruan nina Pokwang at Chokoleit sa isa’t isa. Ninong si Chokoleit ng anak na bunso ni Pokwang.
Related video:
- Latest
