CEBU, Philippines — Dunay bag-ong hairstyle si Sarah Geronimo nga haom karong summer. Sa Instagram video sa hairstylist nga si RJ dela Cruz, gipakita niya ang sleek short haircut ni Sarah. Suma pa sa fans ni Sarah nga swak kaayo sa ilang idolo ang maong hairstyle.
Nagkaabot gyud
Puwerting lipaya ni Regine Velasquez gumikan kay nagkasugat sila ni Alden Richards sa miaging adlaw. Wala hinuon gidetalye sa singer kun diin sila nagkakita. Nagpahulagway dayon si Regine kauban ang aktor. Kahinumdoman nga kauban ni Regine si Alden sa pipila niya ka mga show kaniadto sa GMA. Giingnan ni Regine si Alden og,” Na-miss kita.”
Supportive GF
Todo suporta si Bea Alonzo sa mga basketball game nga gisalmotan ni Gerald Anderson. Gikilig ang ilang fans sa retrato kung diin gisul-ob ni Bea ang usa ka basketball jersey nga dunay printa nga No. 3.Ang No. 3 maoy jersey number ni Gerald sa Maharlika Pilipinas Basketball League (MPBL).Kahinumdoman nga nakadaog ang South All-Stars ni Gerald sa labing una nga MPBL All-Star Game.
Molugwa sa YouTube
Nagmaya ang fans nila ni Angelica Panganiban ug JM de Guzman gumikan kay naa na sa YouTube ang pelikula sa ilang mga idolo nga “That Thing Called Tadhana”. Kahinumdoman nga ni-click gyud og maayo ang maong pelikula ug didto kini gi-shoot sa Sagada.
Nanglaag sa Taiwan
Dili na gyud mabangbang ang nag-uros uros nga relasyon nila ni Arjo Atayde ug Maine Mendoza. Gikatahong nibakasyon ang duha didto sa Taiwan. Nagsagunson napud ang pag-post nila sa social media sa ilang sweet photos.
Nalingaw kang Vice
Puwerting lingawa ni Maricel Soriano sa pagsaulog sa iyang birthday gumikan kay naa ang presensya sa komedyanteng TV host nga si Vice Ganda . Gi-post ni Vice sa Instagram ang hulagway niya kauban ang diamond star.
Tinud-anay nga uyab
Tsika pa ni Nadine Lustre nga wala gyud siya kasuway nga namakak siya sa iyang boyfriend nga si James Reid. Suma pa sa aktres nga matinud-anon siya nga pagka-uyab busa walay rason nga mamakak siya sa aktor.
Aljur misulod sa PBB
Nisulod sa Pinoy Big Brother house ang aktor nga si Aljur Abrenica nga nagdala sa bandera sa Camp Star Hunt. Suma pa ni Aljur nga mingawon gyud siya sa iyang asawa nga si Kylie Padilla ug sa ilang anak. Produkto si Aljur sa StarStruck sa GMA-7 kaniadto.
Dili regular sa ASAP
Dili diay regular ang singer nga si Jaya sa ASAP Natin ‘To. Kahinumdoman nga gi-reformat ang maong show niadtong November 2018. Suma pa ni Jaya nga kung wala siyay guesting sa ASAP, ibakante niya ang iyang Domingo alang sa iyang pamilya.
Gipakpakan og maayo
Nakadawat dayon og standing ovation sa pagbalik sa TNT Boys sa entablado sa U.S. talent show nga The World’s Best. Ang maong grupo gilangkoban nila ni Francis Concepcion, Mackie Empuerto, ug Kiefer Sanchez . Gikanta nila ang “And I Am Telling You I’m Not Going” nga gikan sa musical nga Dreamgirls.