TNT BOYS pinataob ang Korean Dance group sa World’s Best...
Umabante uli ang TNT Boys sa battles rounds ng international reality-talent competition na The World’s Best matapos silang umani ng standing ovation mula sa American at international judges.
Inawit ng trio nina Mackie Empuerto, Keifer Sanchez, at Francis Concepcion ang And I Am Telling You I’m Not Going na umani ng score na 97 at tinalo ang dance group na Emotional Line ng Korea na nakakuha lang ng 43. At tinutukan online ang performance nila dahil umabot na agad ito sa 2.2 milyon na views at pangatlo sa trending videos sa YouTube.
Hindi rin nakapigil ang American judges na sina RuPaul, Faith Hill, at Drew Barrymore na purihin at magbigay ng standing ovation para sa mga batang Pinoy.
“I love them! I already love them. I didn’t think I could love them anymore, but my goodness, every note – pitch perfect! You boys are fabulous,” sabi ni RuPaul.
“I think you’re the embodiment of what this show is about --- it’s an all ages party. Everyone’s invited,” papuri naman ni Drew.
“I think we are all witnessing superstars. You have that kind of confidence that allows the audience to relax and enjoy your performance. I just feel the luckiest person in the world,” dagdag naman ni Faith.
- Latest
