CEBU, Philippines — Busy kaayo sa pag-workout ang Star Magic ladies nga sila si Ria Atayde, Kathryn Bernardo ug Bea Alonzo. Wala usab nagpaulahi sa pag-workout sila si Miss Universe Philippines MJ Lastimosa, Bianca Yanga, ug Aeriel Garcia. Nagdungan sila sa pag-workout aron molutaw gyud ang kurbada sa ilang lawas karong summer.
Touch Screen
Mosikad na karong March 6 ang digital film nga Touch Screen nga pagabidahan nila ni Janella Salvador, Pokwang, ug Denise Laurel. Gidumala gihapon kini sa ABS-CBN pinaagi sa IWant TV.
Movie project
Human nipirma og kontrata sa Viva Artist Agency, gihatagan dayon siya og movie project. Malakip si Coleen sa pelikula nga pagahimoon ni Direk Veronica Velasco. Ang maong direktor maoy nagama kaniadto sa Night And Day.
Molugwa sa Dragon Lady
Dunay short participation si Bea Binene sa drama series sa GMA-7 nga Dragon Lady. Gibidahan ni Janine Guttierez ang maong serye nga magsugod karong March 4.
Todo pangandam
Gipangandaman gyud ni Xian Lim ang karakter niya sa pelikula nila ni Cristine Reyes. Nasayran nga nagsagunson ang mga pelikula karong tuiga ug dako ang iyang pasalamat sa Viva Films.
Engaged na
Engaged na ang kanhi “Goin’ Bulilit” child star nga si Carl John Barrameda ngadto sa iyang non-showbiz girlfriend nga si Nikolai Cimatu. Nasayran nga unom ka tuig na ang ilang relasyon busa nagkailhanay na sila og maayo sa usa’g-usa.
Tsismis lang
Hugtanong gihimakak ni kanhi “Pinoy Big Brother” housemate nga si Heaven Peralejo ang tsika nga matud pa uyab sila ni Jimuel Pacquaio , ang kinamaguwangan nga anak ni boxing champ Manny Pacquiao. Suma pa ni Heaven nga higala ra gyud niya si Jimuel ug wala usab kini nangulitawo kaniya.
P300M na!
Mikita na og kapin sa P300 million ang pelikula nila ni Enrique Gil ug Liza Soberano nga Alone/Together sa Star Cinema. Nagmaya og maayo ang duha sa init nga paghangop sa publiko kanila. Nasayran nga ubay-ubay pa nga mga sinehan ang padayon nga nagpasalida sa maong pelikula.
Inahan ni Tony
Gibutyag ni Kris Aquino nga malakip siya sa usa ka upcoming project ni Tony Labrusca. Modala siya isip inahan sa aktor. “I was impressed with you in ‘La Luna Sangre. But you made it effortless for me to portray your mother today,” suma pa sa IG post ni Kris.
Pangumpanya ni Jolens
Tsika pa ni Jolina Magdangal nga nitabang gyud siya sa kampanya kun unsa ka importante ang pag-breastfeed.”Para sa mga mommies, yun (breastfeeding) ang pampalakas ng loob ba. Kasi hirap magpa-dede ah, mahirap magpa breastfeed. So parang powers natin ‘to,” saysay pa ni Jolina ngadto sa PUSH.
Kusog gyud
Tungod sa kakusog sa ilang grupo, gidugangan og usa ka gabii ang concert sa pop band nga LANY dinhi sa Pilipinas. Moabot na og tulo ka gabii ang ‘Malibu Nights’ 2019 World Tour sa maong grupo. Gawas sa Pilipinas, aduna puy concert ang LANY sa Kuala Lumpur, Bangkok, Osaka, Tokyo, Seoul, Singapore, ug Jakarta.