CEBU, Philippines — Nakadawat ang Pinay nga si Eleana Gabunada og golden buzzer gikan sa award-winning composer ug hurado sa Asia’s Got Talent nga si David Foster niadtong Huwebes.
Ang 10-anyos nga si Elena nikanta og “Don’t Rain on My Parade” nga usa sa paborito niya nga kanta sanglit gipangandoy niya nga makatungtong siya puhon sa broadway.
“There’s a lot of people much older than you that could sing that song but they don’t understand the genre, they don’t know what they’re supposed to be doing. But somehow at the age 10, you understand your mission and your job. And there’s no doubt in my mind that if you want to be in Broadway one day, you will be,” suma pa ni Foster .
Kahinumdoman nga niadtong 2015, nakahatag usab og golden buzzer si Foster ngadto sa laing Pinay singer nga si Gerphil Flores.
Hinay sa takilya
Giingong walay kisaw ang pagbukas sa pelikulang Familia Blondina ug Second Coming niadtong Miyerkules.
Suma pa sa nikatap nga report nga wala kaabot og P800,00 ang kita sa unang adlaw sa pagpasalida niini.
Ang Familia Blondina gibidahan ni Karla Estrada, samtang ang Second Coming gibidahan nila ni Jodi Sta. Maria ug Marvin Agustin.
Joyce ug non-showbiz bf engaged na!
Engaged na ang Kapuso actress nga si Joyce Ching ngadto sa iyang non-showbiz boyfriend nga si Kevin Alimon nga usa ka video director. Sa hulagway nga gi-post nila sa Instagram, makita ang ilang engagement ring. Nagkauyab ang duha niadtong 2017.
“So, this happened three days ago ,” suma pa sa post ni Joyce nga dunay singsing ug heart nga emojis. Gi-congratulate si Joyce sa iyang mga higalang artista, kini sama nila ni Marian Rivera, Janine Gutierrez, Gabbi Garcia, Bea Binene, Barbie Forteza, Bianca Umali, Kyline Alcantara, Thea Tolentino, Martin del Rosario, Sheena Halili, Derrick Monasterio, Ella Cruz, Miles Ocampo, Kristel Fulgar, ug Sofia Andres.
Ed Sheeran minyo na
Gipakaslan na sa British singer-songwriter nga si Ed Sheeran ang iyang hinigugma nga si Cherry Seaborn ubos sa tema nga “tiny winter wedding.” Usa kini ka intimate wedding nga gitambongan sa mga tawo nga espesyal sa ilang kinabuhi. Moabot ngadto sa 40 ka mga tawo ang nanambong niini.
Ang 28 anyos nga singer nailhan isip Seaborn sukad siya nagdako sa Suffolk sa England.
Nasayran nga nahulma ang ilang panaghigugmaay niadtong 2015. Nagplano hinoun ang magtiayon nga mopahigayon og “festival-style party” karong summer isip sumpay sa selebrasyon sa ilang kaminyoon.
“We are very happy and in love, and our cats are chuffed as well,” tipik sa lenggua ni Ed kaniadto sa dihang ni-propose siya kang Cherry.
Jonas Brothers nabanhaw
Naukay ang music lovers ilabi na ang fans sa grupong Jonas Brothers human gianunsyo niini ang pagbalik nila sa music industry.
Gi-release kagahapon ang ilang new single nga “Sucker:
Ang Jonas Brothers gilangkoban nila ni Nick, Joe, ug Kevin . Malipayon ang maong grupo gumikan kay nagpabilin gihapon ang ilang fans.
Nahimong trending topic kagahapon sa social media ang maong balita. Nasayran nga unom ka tuig nga nipahuway sa pagkanta ang Jonas Brothers.