The sweet rakista

CEBU, Philippines — “Don’t judge the book by its cover.” Mao kini ang labing haum nga panultihon nga mahulagway sa 18 anyos nga Filipino-Italian -American nga nabantog na karon sa iyang rakista nga tingog  nga si Rache May Parco.

Si Rache kinsa nagikan sa Calajoan, Minglanilla, Cebu nitapos isip 3rd Runner Up sa  Sinulog Idol Season 10. Siya mao ang gitawag nga “The Rakista with a sweet personality”.

Sa higayon nga mopasundayag na si Rache, daghan gyud ang magnganga ug moabiba tungod sa iyang kaanyag  ug hugyaw nga tingog.

“A lot of people told me nga bagis akong tingog and I have a unique voice but I take that as a compliment. Pero mao man gyud akong natural nga voice if mokanta ko og mellow rock”, saysay pa niya.

Bisan og lisod ang pagbalhin sa tingog gikan sa rock paingon sa lain nga genre apan gipamatud-an gyud ni Rache.

“Sa Sinulog Idol, I have proven how versatile I am as a performer. I was nominated as one of the Top 3 for Star of the Night for five times in a row. I can sing with a group during Jam Night with my co-idols where we won that night and for me I was not afraid with the big transition as a singer”, siya miingon.

Alang kang Rache, dako sab gyud ang nahimong kausaban sa dihang misalmot siya sa Sinulog Idol. Dako gyud ang iyang pasalamat sa iyang Mommy Rachel kinsa mao gyud ang mituklod kaniya nga moapil sa  nahisgotang  indigay.

Bisan og dili pa hingpit nga andam si Rache sa maong kompetisyon apan mihimo gyud siya og lakang ug namasin nga madawat siya.

“Niingon ko sa akong mama nga dili ko andam gyud this year kay I need to practice more songs. Ikaduha kay busy kaayo ko sa school kay graduating student ko karon. Aside from my hectic schedule, there was this drive that was pushing me to join this season”, suma pa ni Rache.

Tuod man, swerte gyud si Rache tungod kay nalakip siya sa Top 12  ug bisan og dili kaayo taas ang oras sa iyang preparasyon, gipaningkamutan niya nga makatambong sa mga workshop nga gidalit sa maong kompetisyon.

“Training ground gyud ang Sinulog Idol nako. I could say that I am way a lot better now. Tungod sa Sinulog Idol workshops, daghan ko’g lessons nga magamit nako sugod karon and in the future”, suma pa niya.

Ingon nga dili pa lang sab dugay sukad gisugdan og apil ni Rache ang singing contests. Tuig 2016 sa dihang una siya nga nakasalmot og contest , ug kini mao ang ‘Tawag ng Tanghalan’ sa “It’s Showtime’.

Dili masukod ang kalipay nga gibati ni Rache sa dihang daghan ang nakauyon sa iyang performance. Bisan og wala kaayo siya’y igo nga kasinatian apan dako ang iyang pagtuo nga maayo ra ang dagan sa iyang pagkanta tungod kay una pa siya nilugwa sa national TV, mipaubos una siya og mga formal nga trainings sa St. Claire School of Music, Center for Pop Music ug Star Magic sa ABS-CBN Manila.

Suportado gyud si Rache ni Mommy Rachel. Tungod kay bugtong anak, buhong gyud siya sa pagmahal dili lang sa iyang inahan apan sa iya sab nga apuhan nga si Lola Amelita ug sa iyang mga uyuan.

Gitug-an ni Rache nga nagdako siya nga wala’y naila nga amahan gumikan kay nagbuwag ang iyang ginikanan. Bisan og lisod man ang iyang pagtubo apan mapasalamaton siya nga anaa ang iyang giila nga pamilya sa iyang kiliran kanunay aron mapasubay siya sa matarong nga dalan.

Sama sa ubang bata, normal ang pagpakabuhi ni Rache. Nagtubo man nga adunay gibati nga kawang sa pagmahal gikan sa usa ka amahan apan wala kini nagsilbi nga rason nga magtanom og kalagot ngadto sa uban. Gani, midako siya nga malipayon ug mahigugmaon sa isigkatawo.

“As a child, I am playful and cheerful gyud ko. Ganahan kaayo ko mokanta ug mosayaw ug attentive kaayo sa school and I always aim high for good grades. Ako gyud gi-enjoy akong tanan nga buhatunon and always I live life to the fullest”, matud pa niya.

Buot gyud nga palipayon ni Rache ang iyang inahan sa iyang kaugalingon nga pamaagi. Mao nga sa tanan nga mga kasikas niya sa tunghaan ug sa mga salmutan niya nga mga contest, gusto niya nga makita ang pahiyom sa iyang inahan ngadto kaniya nga magpakita nga proud kini kaniya.

Dugang pa ni Rache nga kun isog man siya sa entablado tungod sa iyang tingog apan maingon nga usa gyud siya ka anak nga adunay malumo nga kasingkasing nga padayon nga nagmalig-on alang sa iyang pamilya ug magpabilin nga magmalipayon ug kanunay nga puno sa pagmahal.

Q AND A

BNH: Unsa ang imong mga damgo ug plano sa kinabuhi?

RACHE: Damgo gyud nako nga mahimong successful lawyer and a singer someday, and I want to finish college and get a bachelor’s degree.

BNH: Unsa ang dakong leksyon nga nakuha sa pag-apil og singing contest?

RACHE: Usa sa nakuha nako nga leksyon kay I have to work hard for it and also, it was my big realization that it has to be the right song choice in order to win.

BNH: Mensahe nimo sa tanan nga misuporta nimo sa competition.

RACHE: I would like to thank God above all for giving me this talent.  Salamat kaayo nila ni Tita Gloria ug Tito Gani Villarojo for this wonderful opportunity. And to all the staff sa Sinulog Idol and to all the judges ,sila si Sir Ryan, Coach Apple and Coach Jay who made this event a very successful one. To my co-Idols, thanks for the good memories, it was truly an amazing experience where I had the chance to get to know each one of you. To ate Preciosa Bacalso thanks for everything you serve as an inspiration. Lastly, to my wonderful family especially my mom who has been there for me all the time during the workshops and contest I really appreciate it so much. To my lola Amelita for my costumes thank you and also, to my uncle Bob and Pianong.

FASTFACTS

Name: Rache May V. Parco

Nickname: Chemay

Birthday: May 24, 2000

School & Degree: University of San Jose-Recoletos sa Senior Highschool (Humss strand).

Favorite Foods: Italian, Chinese, American, Korean and Filipino dish

Height: 5’5

Weight: 118 lbs

Genre: Ballad, Upbeat, Pop & Mellow Rock

Favorite Colors: Pink, Black and Red

Favorite Song: Valerie

Winning Piece: Still Loving You

Favorite Singers: Rihanna, KZ Tandingan, Lady Gaga, Shirley Bassey, Nirvana & Metallica

Motto: A journey with a thousand miles begins with one step.

Titles/Achievements in Life:

Consistent Honor student/Scholar - Elementary to Senior High (2005-2018)

Champion in Declamation Contest (2009-2016)

Champion in Oration (2013)

Champion (Mother Majorette) Minglanilla Drum and Bugle Corps (2013)

2nd Runner Up Oratorical Contest in Municipal English Festival (2015)

1st Runner Up Miss Intramurals 2010 (St. Cecilia’s College)

2nd Runner Up Ms. Intramurals 2016 (St. Thomas Montessori)

ABS-CBN Bagong Bida in Kapamilya Mas Winner ka (October 2015)

Tawag Ng Tanghalan Daily Contender (2016 & 2018)

USJ-R’s Champion Battle of the Bands (Sept. 2018)

1st Runner Up in DYAR’s Radyoke Shining Star Singing Contest (Oct. 2018)

3rd Runner Up Campus Idol (2019)

3rd Runner Up Sinulog Idol Season 10