Lloydie mitambong og art fair

CEBU, Philippines — Nasigpatan si  John Lloyd Cruz nga nitambong og art fair  sa miaging adlaw didto sa Makati City. Nagkalo ang aktor  ug nagpataas kini sa iyang bungot.

Sukad  kini nibiya sa showbiz,  nagdumili  nag gyud kini nga magpa-interview.

Wala pa gyud masulod sa huna-huna ni Lloydie nga mobalik sa showbiz bisan paman sa hangyo sa iyang fans.

Aktibo kaayo si John Lloyd sa mga kalihokan nga dunay kalabotan sa art. 

Franchise sa Miss U magpabilin sa BPCI

Miulbo ang report kagahapon nga magpabilin gihapon sa Binibining Pilipinas Charities Inc. (BPCI)  ang  franchise  sa  Miss Universe.

Ang BPCI  gihuptan  ni Stella Araneta  sulod na sa dugay na nga panahon.

Sa report sa ABS-CBN News,  nipadayag ang Miss Universe Organization   nga magpadayon gihapon ang ilang pakig-partner sa  BPCI  busa mao gihapon kini  ang naay katungod sa pagpadala og  pambato sa nasud alang sa Miss Universe.

Kahinumdoman nga ang BPCI  maoy partner sa Miss Universe Organization sukad pa niadtong 1964.

Kahinumdoman nga nikisaw sa milabay nga  mga adlaw ang taho nga matud pa nga nakuha na  ang franchise niini sa grupo ni former Ilocos Sur Gov. Luis Chavit Singson

Hinoun ang MUO ni-acknowledge  ug nagpasalamat kang Singson sa lapad nga pagsuporta niini sa Miss Universe 2016 nga gipahigayon dinhi sa nasud.   Ang garbo  sa nasud nga si  Catriona Gray maoy kasamtangang naghupot sa titulong Miss Universe.