CEBU, Philippines – Nagbaha ang mga artista nga nitambong sa black carpet premiere sa pelikulang "Alone/Together” sa miaging gabii isip pagpakita og suporta sa mga bida niini nga sila si Liza Soberano ug Enrique Gil.
"I'm really happy and really excited for all our LizQuen fans because they've been waiting for two years to see us on the big screen," tsika pa ni Liza ngadto sa ABS-CBN News.
Katapusang pelikula nila ni Liza ug Enrique mao ang "My Ex and Whys" niadtong 2017.
"It's never too late to dream, to change your life, it's never too late to love again," matud pa ni Enrique.
Gawas sa direktor niini nga si Antoinette Jadaone, nitambong usab sa maong kalihokan sila si Joshua Garcia, Julia Barretto, Marco Gallo, Dominic Roque, Kira Balinger, ug Ylona Garcia.
Wala usab nagpaulahi ang Star Cinema executive nga si Malou Santos ug ang Star Magic head nga si Johnny Manahan.
Gipasalida na sa mga sinehan sukad kagahapon ang "Alone/Together" nga nakakuha og “A” rating sa Cinema Evaluation Board.