Kara Mia iatbang sa Probinsyano

CEBU, Philippines – Mahimutang sa unang hugna sa first primetime slot ang teleserye nila ni  Barbie Forteza ug  Mika dela Cruz nga Kara Mia.

Giingong magsugod na kini karong  February 18, 2019  ug mao kini mohulip sa Cain at Abel nga gibidahan nila ni Dingdong Dantes ug Dennis Trillo.

Makaatbang sa Kara Mia ang teleserye ni Coco Martin sa ABS-CBN nga Ang Probinsyano nga dugay na nga naglawig sa kahanginan sukad  niadtong September 2015.

Sa nangaging interview, gipadayag nila ni Barbie ug Mika nga dili nila i-pressure ang ilang kaugalingon sa ratings aron mag-enjoy sila og taman sa ilang trabaho.

Nasayran nga makapila na ka higayon nga gi-extend ang serye ni Coco tungod sa kakusog sa ratings niini.

Best in bitbit sa uyab?

Spotted  sa miaging adlaw si  Zanjoe Marudo kauban ang iyang  rumored girlfriend nga 19-anyos nga  surfer-model  nga si  Josie Prendergast.

Kauban nila ang    talent handler sa Star Magic nga si  Monch Navales nga maoy ni-post sa ilang group photo sa Instagram.

Ang maong post gi-like sa kanhi  uyab ni  Zanjoe nga si  Bea Alonzo.

Hangtud karon, wala pa gyud mohatag og katin-awan sa istado nila sa maong modelo.

Robin ug Regine subling magpares

Niulbo ang report nga dunay reunion movie  sila si  Robin Padilla ug Regine Velasquez  nga pagabuhaton karong tuiga.

Suma pa ni Robin nga aktibo siya sa pagama og pelikula karong tuiga  isip suporta  sa  movie industry sa nasud.

Wala pa hinuon matino kun kanus-a sugdan ang pelikula nila ni Regine.

Kahinumdoman nga ni-click kaniadto ang pelikula nila nga Kailangan Ko’y Ikaw.

Sofia mapasalamaton sa Cebuano  racer

Mapasalamaton  si   Sofia Andres  gumikan kay nakaplagan na gyud niya ang perfect guy nga matud pa nakasabot sa iyang ka-busy sa showbiz.

Nasayran nga gidungog nga uyab ni Sofia mao ang Sugbuanon nga  race car driver nga si Daniel Miranda.

Aminado siya nga usahay ra sila nga magkita apan ilang gipaneguro nga dili maputol ang ilang komunikasyon.

Kun susama sila og bakante nga  oras,  magtagbaw gyud sila sa pagbakasyon ilabi na sa mga resort.

Third anniversary

Hilom nga gisaulog  nila ni James Reid ug  Nadine Lustre ang ilang  third anniversary isip mag-uyab sa usa ka  private resort  niadtong Lunes. Giingong nagpa-relax ang duha sa  The Farm sa San Benito, Lipa, Batangas. Ang maong resort gihaom alang sa nature-lovers .

Gisugot dayon

Giangkon  ni  Enrique Gil nga nagtoo gyud siya kaniadto nga  i-reject siya ni Liza Soberano sa dihang nanguyab siya niini. Apan nakita ni Liza kun unsa siya ka sensiro hinungdan nga wala  gyud siya gibasted niini.  Gihimakak  usab nila ang obserbasyon sa ilang mga kritiko nga matud pa gimik lang ang ilang pag-angkon. Ang duha kasamtangang nag-promote sa pelikula nila nga Alone/Together.

KZ nag-vlog napud

Nisabay  sa uso ang singer nga si KZ Tandingan.   Nagsugod na pud siya sa pag-vlog  aron masayod ang iyang fans sa iyang gipangbuhat.   Nasayran nga nisaka ang popularidad ni  KZ karong panahona.

Charo gibisita ni Charot

Nakugang si  Charo Santos gumikan kay dunay nibisita kaniya sa miaging adlaw.     Niduaw kaniya ang “Miss Q & A” contestant nga si Charot Santos.  Giingong nalingaw pag-ayo si Charo kang Charot.

Armida mipanaw

Mipanaw na ang  actress- film producer ug  singer  nga si  Armida Siguion-Reyna niadtong Lunes sa hapon. Nalandig ang 88 anyos nga si  Armida sa miaging adlaw didto sa Makati Medical Center . Wala hinuon modetalye ang  iyang pamilya  kalabot sa sakit sa singer.   Kahinumdoman nga taod-taod na nga naghambin si Armida og Alzheimer’s disease.

The Bukie Channel

Siyete anyos pa lang ang anak ni Denise Laurel nga si Alejandro  apan duna na kini  YouTube channel . Mahiligon siya sa pagpadangat og toy reviews  pinaagi sa The Bukie Channel.

Nag-uban sa commercial

Bisan managlahi ang ilang mga mother network,  apan nahatagan gyud og tsansa nga magkauban og balik sa trabaho ang maghigala nga sila si  Michael V ug Ogie Alcasid.   Nahitabo kini sa  commercial  sa usa ka food chain. Taod-taod na nga nagkauban kaniadto  sila si Michael V ug Ogie sa Bubble Gang sa GMA-7 ug nibalhin dayon ang naulahi sa ABS-CBN.

Merese!

Nihulagway  ang pipila ka netizens nga makiangayon  lang gyud ang pagka-evict  ni   Apey Obera sa  ‘Pinoy Big Brother: Otso.’  Matud pa nga OA ra kaayo si Apey sulod sa balay ug magsige kini og pangaway sa igsuon niini nga nalakip usab sa PBB.

Nakadaog sa Grammy

Nakadawat og pasidungog sa bag-ohay lang nga  61st Grammy Awards ang Fil-AM R&B singer-songwriter nga si  H.E.R. o Gabriella “Gabi” Wilson sa tinuod nga kinabuhi. Naglangkob kini sa  Best R&B Performance (“Best Part”) ug  Best R&B Album .

Magsige og deny

Bisan sa pagsige og himakak nila ni Ruru Madrid ug  Bianca Umali sa report nga duna sila’y relasyon , igo ra sila kataw-an sa mga tawo nga nakakita nga nag-date silang duha.   Nasayran nga makapila na nga higayon nga nasigpatan nga nag-uban ang duha sa pagpanuroy.