CEBU, Philippines – Gisugdan na ni Direk JP Habac ang pagama sa sequel sa box office hit nga “I’m Drunk, I Love You” nga gibidahan nila ni Maja Salvador ug Paulo Avelino niadtong 2017. Matud pa ni Habac nga mapun-an pa ang mga bitoon sa maong proyekto.
Nasakitan sa komento
Gitug-an ni PBB housemate Karina Bautista nga ang namugna nga pagbati niya sa iyang housemate nga si Aljon Mendoza naoy tinubdan kun nganong nagbuwag sila sa iyang boyfriend nga si Christian Dronio. Matud pa niya nga nasakitan gyud siya sa mga komento nga iyang nadawat gikan sa mga tawo tungod sa maong panghitabo. Gitataw sab ni Karinan nga wala silay relasyon ni Aljon ug maghigalaay lang ang ilang pagtratar sa usa’g usa.
Tungod ni Robin
Tsika pa Robin Padilla nga siya mismo ang nikumbinsir sa iyang asawa nga si Mariel Rodriguez nga mobalik sa trabaho isip host sa “It’s Showtime”. “Kasi para sa akin, ‘yun ang makakapagbigay sa kanya ulit ng saya. Kasi ayoko naman na matandaan yung asawa ko na naka-upo sa upuan na nag-iiniksyon. Gusto ko makita ko asawa ko, na ang ganda ganda niya sa It’s Showtime”, suma pa ni Robin.
Gi-shoot sa Slovenia
Hugyaw gyud ang lokasyon sa shooting sa pelikula ni JC Santos nga “Motel Acacia”. Gigama niya ang pipila ka mga eksena niini didto sa Slovenia nga nahimutang sa Eastern Europe.
Naglisod sa pagsabak
Gitug-an ni Andi Eigenmann nga naglisod siya karon sa iyang ikaduha nga pagsabak. “Have been experiencing every pitfall of pregnancy hormones especially because of the heat. But I will always be a girl of summer and what’s important is, there’s always a bright side to everything!”, pahibalo pa ni Andi.
Nagpungasi nga projects
Malipayon kaayo si Regine Velasquez istado sa iyang career karon gumikan kay nagsagunson ang iyang mga proyekto. Gawas sa iyang mga show, nagbaha usab ang iyang mga concert karong tuiga.
Hitmakers concert
Mobida sa usa ka post-Valentine concert si Marco Sison ug uban pang hitmakers sama nila ni Rey Valera, Hajji Alejandro, ug Ai Ai delas Alas. Nag-ulohan kini og “Hitmakers” nga mahitabo karong Pebrero 15 sa Newport Performing Arts Theater.
Sunod nga ilusad
Anaa karon sa New York si Maine Mendoza aron lutuon ang iyang ikaduha nga make-up line ubos sa labing sikat nga cosmetic line nga MAC. Niadtong miaging tuig, si Maine mao ang labing una nga Pinay nga adunay kolaborasyon sa maong brand.
Nadayon na gyud
Emosyonal gyud si Kris Bernal sa dihang gilusad ang iyang bag-ong negosyo nga usa ka cosmetic brand. Ginganlan kini sa aktres og “SHE Cosmetics nga naglangkob sa nagkadaiyang mga lipstick. Sa miaging tuig pa kini gisugdan og mugna ni Kris ug dakong kalipay niya nga nasugakod niya ang pagsuway sa pagmugna sa maong produkto..