CEBU, Philippines — Gibutyag ni Liza Soberano nga nagmahay siya nga wala makatungtong og kolehiyo. Tataw sa 20 anyos nga aktres nga dili siya maka-relate sa iyang mga higala nga nakalampus na sa ilang pagtuon. Dugang pa ni Liza nga karon nga arang-arang na iyang kahimtang sa showbiz, tapuson niya ang iyang pagtuon ug mo-enrol og kurso nga mahaom ra sab sa iyang schedule samtang nagtrabaho siya sa showbiz.
Nilinya uy
Nihatag og katin-awan si Jameson Blake sa isyu nga matud pa nga wala siya molinya atol sa Blackpink concert nga nahitabo niadtong Sabado. Matud pa sa usa ka netizen kinsa mikuha og video nga wala misunod si Jameson sa linya og nagpa-VIP kini. Matud pa niya nga nilinya gyud siya ug sayop ang interpretasyon sa mga tawo nga nakakita sa video.. “We got there and showed our queue number. The organizers, guards, the people in charge told us to stay by the side but we were still part [of] the line. We just waited ‘til it was our turn to get in. We were just following rules,” esplikar pa ni Jameson.
Misikat og samot
Nisaka og samot ang popularidad sa TNT Boys nga naglangkob nila ni Francis Concepcion, Mackie Empuerto ug Kiefer Sanchez gumikan sa international show nga “The World’s Best”. Kahinumdoman nga gipakpakan og maayo ang ilang performance sa miaging adlaw. Pasok sa sunod nga round sa maong programa ang TNT Boys.
Komedya ra
Gitataw ni Enchong Dee nga komedya ra niya ang iyang lenggua nga sudlon niya ang kalibutan sa politika. “It was a joke within Star Magic family, hindi namin alam umabot na pala sa news and current affairs ng ABS-CBN. Just a clarification hindi po, hindi po ako tatakbo”, pagklaro sa aktor.
Dayanara nasakit
Masulub-on nga gipahibalo ni Miss Universe 1993 Dayanara Torres pinaagi sa iyang Facebook account nga aduna siya’y “Melanoma” o skin cancer. Matud pa ni Dayanara nga nagsugod lang kini sa mitubo nga alom nga wala niya panumbalinga pipila ka tuig na ang milabay. Ang iyang hinigugma mao ang nangusog nga magpakonsulta sa doktor og didto nasuta ang iyang sakit.
Nagpanikad sa resulta
Mapasalamaton si Jasmine Curtis gumikan kay wala gyud nabakante ang iyang career. Nagpanikad na si Jasmine sa mahimong resulta sa pelikulang Alone/Together nga gibidahan nila ni Enrique Gil ug Liza Soberano. Dakong garbo alang kaniya nga malakip sa maong proyekto bisan dili siya bida niini.
Gusto lang og anak
Loveless karon ang aktres nga si Jackie Rice human sila nagkabuwag sa iyang non-showbiz boyfriend niadtong 2017. Matud pa sa aktres nga gusto lang niya makabaton og anak ug dili niya buot nga mangita og bana. “Gusto ko nga magka-baby lang, e, ayoko ng boyfriend, ayoko ng asawa. Gusto ko lang magpalahi, charot! Hahaha!” ,suma pa ni Jackie.
Lahi ang gusto
Damgo ni Ina Raymundo nga ipadayon sa iyang anak nga si Erika ang iyang napupos nga damgo nga mahimong usa ka beauty queen. Apan wala kini tumana sa iyang anak gumikan kay dili kini ganahan mosalmot og mga indigay. Girespeto na lamang ni Ina ang desisyon sa iyang anak gumikan kay aduna kini maayo nga mga panglantaw sa kinabuhi.
Kasabotan
Gitug-an ni Kylie Padilla nga dili uyon ang iyang bana nga si Aljur Abrenica nga mag-uban sa usa ka TV network. Matud pa ni Kylie nga gitambagan siya ni Aljur nga buhaton ang iyang tanang mabuhat aron magpabiling buhi ang karera niini sa GMA-7 .