EA trabaho agad ang hinarap

Isa nang ganap na Kapuso actor ngayon si Edgar Allan (EA) Guzman matapos itong lumagda ng co-management  talent contract with GMA Artist Center at ALV Talent Circuit na pinamumunuan ni Arnold Vegafria.

At bilang panimulang project ng alyansa bet­ween GMAAC at ALV, si EA ay kasama sa upco­ming TV series ng Kapuso Network, ang Dragon Lady na pagsasamahan nila nina Janine Gutierrez at Tom Rodriguez.

Tulad ni Jericho Rosales noon, si EA ay produkto rin ng Mr. Pogi contest segment ng Eat Bulaga nung 2006.

This Band… napapansin na

Isa na namang bagong grupo ang unti-un­ting gumagawa ng pa­nga­lan sa music industry matapos mag-viral ang kanilang break-out hit na Kahit Ayaw Mo Na.  Ito ang ay six-piece pop-rock band na This Band na binubuo ng lead vocalist na si Andrea Manzano (lone female member), ang mga gitaristang sina Euwie Loria at Raymart Gubat, ang bassist na si Miccael Galvan, ang drummer na si John Ma­caranas at ang keyboard ar­tist na si Melvin Carson.

Matapos umabot sa 22.6 million streams ang Kahit Ayaw Mo Na, ito ang naging daan para sila’y mapabilang sa papalaking pamilya ng Viva Records.

Ang Kahit Ayaw Mo Na ay naging titulo at theme song ng isang pelikula late last year na tinampukan nina Empress Schuck, Kristel Fulgar at Andrea Brillantes mula sa panulat at direk­siyon ni Bona Fajardo ang co-produced ng BluArt Entertainment at Viva Films. The movie was released last December 5, 2018.

Pagkatapos ng Kahit Ayaw Mo Na na kinompos ni Euwie Loria base sa tunay niyang karanasan sa kanyang ex-girlfriend, sunud-sunod ang paghatid ng grupo ng iba pa nilang hits tulad ng Hindi Na Nga, Bitaw Na, Tampisaw and their latest songs na Di Na Babalik at Ligaya.

Ang This Band group ay dating churchmates at nagmula rin sa iba’t ibang grupo with different genre of music na kinahiligan.

Last Saturday night, dumayo kami sa Music Hall in Metrowalk at nagulat kami na punum-puno ang venue ng  millennial audience making us feel left out.

Para sa mga supporters ng This Band, magkakaroon na rin umano sila ng regular slot sa Music Hall kung saan sila magkakaroon ng regular gig.