CEBU, Philippines — Nakadaog ang Filipino-American star nga si Darren Criss isip Best Actor sa prestihiysong 25th Screen Actors Guild Awards.
Nauyonan ang performance ni Darren sa The Assassination of Gianni Versace: American Crime Story.
Nasayran nga katulo na kahigayon nga nahimong nominado si Dareen sa SAG Awards apan karon pa siya kadaog.
Dili basta-basta ang nakatigi sa iyang nadawat nga tropeyo ug gilampaso niya sila si Antonio Banderas (Genius: Picasso), Hugh Grant (A Very English Scandal), Anthony Hopkins (King Lear), ug Bill Pullman (The Sinner).