Kiko ug Devon kumpirmadong uyab

CEBU, Philippines –Human sa pipila ka buwan sa pagsige og post sa ilang sweet photos  giangkon na gyud ni Kiko Estrada nga uyab sila ni Devon Seron.

Matud pa ni Kiko nga niadtong August 8 sa miaging tuig pa sila nagkauyab ni Devon.

Soud na kaayo ni Kiko ang pamilya ni Devon ug usa kini sa nagkapalig-on sa ilang relasyon.

Kahinumdoman nga nagkauban kaniadto sila si Kiko ug Devon sa pelikulang “Pwera Usog” (2017) ug “Walwal” (2018). 

Pops hurado sa The World’s Best

Si  Pops Fernandez maoy representante sa nasud  sa listahan  sa  50 global experts alang sa bag-o  nga international  talent show sa  CBS nga   The World’s          Best.

Makauban niya isip mga hurado mao sila si  Drew Barrymore, Faith Hill, ug  RuPaul Charles.

Nasayran nga nalakip sa maong kompetisyon ang TNT  Boys nga sila si  Keifer Sanchez, Mackie Empuerto, ug  Francis Concepcion.

Juday gipasidunggan sa YouTube

Nakadawat  og   Silver Creator Award   si  Judy Ann Santos gikan sa video-sharing site  nga  YouTube.

Mapasalamaton si Juday sa tanang nagsunod sa iyang cooking vlog nga  Judy Ann’s Kitchen. “Woohoo! Thank you so much to all our subscribers!” suma pa niya.

Silver Creator Award  o  Silver Play Button  maoy ihatag ngadto sa YouTube channel    nga dunay 100,000 subscribers.

Sa pagka-karon, ang YouTube page ni Juday adunay 477,000 subscribers. Wala usab kalimti sa aktres ang pagpasalamat sa iyang bana nga si Ryan Agoncillo kinsa nihatag gyud og todo nga suporta sa iyang gipangbuhat.

“To my one and only, thank you for supporting me and believing in me. From day 1, you already had this vision — from releasing my cookbook hanggang sa paggawa ng cooking vlog. Ikaw ang nagpapalakas ng loob ko sa mga bagay na takot na takot akong gawin,” mensahe pa niya ngadto kang Ryan. 

Maka-relate ang kadaghanan

Tsika pa nila ni  Dennis Trillo  ug Dingdong Dantes  nga lahi ang timplada sa serye nila nga Cain At Abel gumikan kay mokalot gyud og lawom ang   impact niini ngadto sa viewers,

Suma pa ni  Dennis nga uba-ubay gyud ang maka-relate  niini ilabi na ngadto sa mga tawo nga gitago og maayo ang ilang batasan.

“Pinag-handaan talaga namin to  salamat sa lahat na sumosuporta, “ suma pa ni Dennis sa dihang nahinabi sa E-Group dili pa lang dugay.

Ang maong serye nagtuki sa duha ka magsuon nga nagbuwag ang dalan  ug dinhi nagsugod ang mabulukong estorya.

Si Dingdong sa iyang bahin,   dakong hagit alang kaniya nga malakip na pud sa usa ka serye nga mapuno sa drama sanglit kinahanglan gyud ang bug-at nga emosyon.

“Ang importante na  handa ka palagi  sa ipapagawa ng direktor,  komportable naman ako sa mga kasama ko,  lalo na si Dennis na  matagal ko nang kaibigan, “ matud pa ni Dingdong. Nalakip usab sa maong serye   sila si Solenn Heussaff ug Sanya Lopez ug gipadayag sa duha nga dili basta-basta ang maong proyekto gumikan kay kauban gyud nila ang mga “bigating aktor”  sa  GMA-7.

“Medyo kinabahan ako noong nalaman ko na sila ang makasama ko. Nasa isip ko, baka ma-intimidate ako sa kanila, pero hindi pala.  Marunong talaga sila makisama sa katrabaho nila,” matud pa ni Sanya.

Nilenggua usab si Solenn  nga ang Cai At Abel maoy labing una niya nga serye kun diin  nagbaha gyud ang drama nga layo gyud sa iyang personalidad.

Dakong hagit alang kaniya nga masuwayan ang mga eksena nga wala pa niya naagian kaniadto. “Bilang isang aktres,  malaking bagay na may bago kang matutunan sa trabaho,” suma pa niya.

JoshLia bida sa zombie film

Human  sa kalamposan sa seryeng  Ngayon At Kailanman nga natapos sa miaging semana, ang pelikula na pud ang pagabisihan nila ni Joshua Garcia ug Julia Barretto.

Ang duha m aoy bida sa labing una nga zombie film sa Star Cinema nga “Block Z”.

Si Mikhail Red  ang direktor sa maong pelikula ug nilengua kini nga  “fast zombies”  ang molugwa sa “Block Z”.

“Talagang full speed iyong habulan at takbuhan,” matud pa sa direktor.

Malakip usab sa maong pelikula sila si  Ian Veneracion, Ina Raymundo, Maris Racal, Yves Flores, Dimples Romana,  ug  McCoy De Leon.

Bag-ong inspirasyon ni Jolo?

Niulbo ang tsika nga matud pa nga si Bb. Pilipinas 2016 1st runner-up Angelica Alita maoy bag-ong inspirasyon  ni Jolo Revilla.

Nasigpatan si Angelica  nga nitambong sa birthday celebration sa anak ni Jolo sa miaging adlaw.  Nasayran nga taod-taod na nga naka-move on si Jolo sa break-up nila ni Jodi Sta. Maria.  Samtang katapusang nauyab ni Angelica mao ang anak ni Senator Grace Poe nga si Brian Llamanzares.