CEBU, Philippines — Gitug-an ni Maja Salvador nga nangangha siya sa dihang gitugyanan siya nga mahimong hurado sa World of Dance. Matud pa niya nga daghan ang haom nga maayo nga mga dance instructors sa industriya nga angayan nga molingkod sa iyang pwesto. Napanglantawan hinuon ni Maja nga makasugakod siya sa maong pwesto gumikan kay 15 ka tuig na siya nga gibansaybansay sa mga ilado nga instructors nga sila si Teacher Georcelle ug Miss Joyce Liquicia.
Oras alang sa inahan
Nag-bonding sila si Jennylyn Mercado ug ang biological mother niini nga si Jinkee Pineda niadtong Martes. Malipayon nga gipakita ni Jennylyn sa iyang Instagram followers ang dakong kalipay niya nga nagsawo sila sa paniudto sa iyang inahan.
Gibag-o sa pelikula
Gibutyag ni McCoy de Leon nga ang pelikula nga gibidahan nilang duha ni Elisse Joson nga “Sakaling Maging Tayo” mao ang nakapabag-o sa ilang relasyon sa usa’g usa. “Itong proyekto na ‘to ‘yung lalong nagdikit sa ‘min. Kasi sabi ko nga, tuwing trabaho lang kami nagkakasama. Eh ‘yung movie, isang taon naming ginagawa, kaya isang taon din kaming nagkakasama. Minsan okay, minsan hindi. Sa movie na ‘to, nagkaroon kami minsan ng mga usapan na, ‘Tiisin natin ‘to. Dapat maging professional tayo.’ Lalo naming pinahalagahan yung trabaho”, suma pa ni McCoy.
Wala nagmahay
Wala magmahay si Edu Manzano nga sayo siya nga nahimong breadwinner sa iyang pamilya. Human nga nakalampus sa high school, misulod siya sa U.S Air Force aron nga moserbisyo atol sa Vietnam War. Isip kamagwangan nga anak nga lalaki, siya sab ang mibarog nga haligi sa panimalay human nga mipahulay ang iyang amahan.
Dakong garbo
Dakong garbo alang kang Angeline Quinto nga maka-perform atubangan sa duha ka mga presidente nga sila si Rodrigo Duterte ug sa presidente sa Sri Lanka nga si Maithripala Sirisen. “Ito po ay isa na namang magandang pagkakataon to share our Filipino talents para po sa ating mga bisita mula sa ibang bansa”, suma pa ni Angeline.
Inatiman ang singing career
Inanay na nga nibalik si Ylona Garcia sa showbiz. Human nga nalandig sa tambalanan tungod sa gibati nga stress sa showbiz, mibalik na kini pinaagi sa pagpadungog sa bag-ong single niini kun diin makauban niya ang King of RnB nga si JayR. Ang duha malipayon sa ilang kolaborasyon nga nakahulma og hugyaw nga kanta.
Wala malain
Miesplikar si Ina Raymundo nga wala siya nakabati og kalain sa dihang gipulihan siya ni Iza Calzado isip inahan unta sa karakter ni Julia Barreto sa serye nga “Ngayon at Kailanman”. Gitataw niya nga bisan og nausab man ang iyang karakter sa maong istorya , dakong garbo alang kaniya nga nahimo siyang kabahin niini.
Mitabang og promote
Proud gyud si Loisa Andalio sa naangkon nga papel ni Ronnie Alonte sa episode sa “Maalaala Mo Kaya”. Si Ronnie mao ang modala sa kinabuhi sa kanhi captain sa University of the Philippines (UP) Fighting Maroons nga si Paul Desiderio. Gani, usa sab si Loisa nga miimbitar sa iyang followers nga tan-awon gyud ang maong episode.
Mopahuway sa showbiz
Gipahibalo ni Marian Rivera nga mopahuway una siya sa showbiz inigka human niya og panganak sa ilang ikaduha nga anak nila ni Dingdong Dantes. Matud pa ni Marian nga prayoridad niya ang iyang pamilya mao nga mao una kini ang iyang unahon og atimanon.