Andam na mahimong inahan

CEBU, Philippines — Komportable ra nga nitubag si  Jessy Mendiola sa pangutana    kun andam na  ba siya nga mahimong inahan puhon.

Suma pa sa aktres nga wala ra siya’y problema niini sanglit andam rapud ang iyang uyab nga si Luis Manzano.

“I am ready with you. I’m always ready with you. As long as it’s with you”, mensahe pa ni Jessy ngadto kang Luis.

Ang maong istorya natuki sa vlog post ni Jessy  nga kuha sa paglarga niya sa Okinawa, Japan kun diin kauban niya si Luis. Gibisita ni Jess ang iyang igsoun nga nagbase sa maong dapit.

Nasayran nga  dugay na nga nangandoy ang inahan ni Luis nga si Vilma Santos nga makabaton og apo.  

Bela  nagkalawom ang obserbasyon

Taod-taod na nga aktibo sa social media ang aktres nga si Bela Padilla, apan  naabot na  sa punto nga gilaay na siya niini. Wala na siya kasabot sa buot niya nga tinguha sa digital platform.

“I seem to have lost my purpose in posting on social media, so recently I’ve been writing more. Hopefully, you (and I) figure out who I am at this point in my life more through that,” matud pa sa iyang social media post.

Gipahibalo na usab ni Bela nga duna na siya’y blogging site sa  Wordpress nga nagtangag sa pangalan nga  “overthinkween.” 

Catriona misabay sa uso

Nisakay sa uso sa social media si  2018 Miss Universe Catriona Magnayon Gray ug ni-post usab siya sa kaugalingon niya nga “10 Year Challenge.”

Gi-post niya ang hulagway  sa karaan niya nga hitsura  ug    ang kasamtangan   niya nga  hitsura  nga duna’y dakong kausaban.

Samtang sa lain niya nga gi-post , gipadayag niya  nga wala gihapon nahupas ang iyang pagka-baby face.

Si Catriona  maoy ikaupat  nga Filipina nga nakalangkat sa titulong  Miss Universe human nila ni  Pia Wurtzbach (2015), Margie Moran (1973),  ug Gloria Diaz (1969).