CEBU, Philippines — Usa si Janine Guttierez sa mga bida sa upcoming GMA Afternoon Prime nga Dragon Lady kun diin modala siya sa karakter sa usa ka Filipino-Chinese nga babaye nga susama og dragon ang hitsura
Suma pa sa aktres, nasukod na ang prosthetics alang sa maong proyekto.
“Sobrang nakakaaliw kasi, ako mismo, fan ako manood ng mga costume tranformations sa internet, ‘yung nakaupo sila sa makeup chair, ‘tapos naka-time lapse ‘yung paglagay ng prosthetics. First time ko na ako naman ‘yung gagawan ng ganun,” suma pa ni Janine.
Matud pa nga dugay gyud mahuman ang pagtaod sa prosthetics apan nahimuot ra siya niini.
“Medyo matagal yung trabaho pero pagkakita ko dun sa results talagang ang galing nung prosthetics and excited akong makita niyo,” dugang pa niya.
Dugang pa niya nga linahi napud nga karakter ang idalit niya sa iyang fans alang sa maong serye.
“Bukod sa pagiging isang dragon lady na talagang may mysteryo at may kaakibat na fantasy ‘yung anyo niya, lalabas din ‘yung pagiging dragon lady niya sa pagiging matapang, sa pagiging palaban.So buong-buo, ‘yung pagiging dragon lady niya kaya excited ako sa challenges na kasama sa role na ito,” matud pa niya.
Angayan matud pa atangan ang dagan sa istorya sa bag-o niya nga serye.
“I’m so excited kasi kakaibang kwento naman ito at nakakaintriga kasi may sumpa may sikreto, at may swerte kaya bagay na bagay sa simula ng 2019,” suma pa ni Janine.
Engaged na?
Niulbo napud ang tsika nga matud pa engaged na sila si Julia Montes ug Coco Martin. Wala pa gyud mohatag og katin-awon ang duha sa ilang tinud-anay nga istado. Hagbay ra nga gidungog nga dunay relasyon ang duha.
Starla nakalinya na
Gidungog nga ang teleserye ni Judy Ann Santos nga Starla maoy ihulip sa serye ni Coco Martin nga Ang Probinsyano nga gidungog matapos sulod karong tuiga. Nitumaw ang taho nga ubay-ubay ang mawagtang nga mga bitoon sa Ang Probinsyano gumikan kay nisalmot kini sa piniliay.
Nasayop
Nag-sorry na ang TNT Boys human wala mauyoni sa pipila ka netizens ang pagkanta nila atol sa opening sa PBA nga gipahigayon sa Philippine Arena sa miaging adlaw. Giingong nasayop matud pa ang pagkanta nila og “Sino Ako” ug tataw nga dili sila familiar sa lyrics.
Madugay pa
Wala pa diay nahuman ang shooting sa pelikulang Sons of Nanay Sabel nga gibidahan ni AiAi Delas Alas kauban ang grupong Ex Battalion. Giingong imposible na nga mapasalida kini karong buwana.
Vice nanglibre
Nanglarga ang mga host sa “It’s Showtime” sa Hong Kong sulod sa duha ka adlaw. Si Vice ang nigasto sa ilang plite. Si Anne Curtis usab ang sponsor sa ilang special dinner. Giingong lingaw kaayo ang grupo sa pagtikang nila sa maong dapit.
Unya ra
Ang uyab ni Paulo Avelino nga si Jodie Tarasek maoy host sa pipila ka mga sports event sa Kapatid Network . Giangkon ni Jodie nga duna siya’ y offer nga nadawat aron mahimong artista apan dili pa siya andam niini.
Pangandoy sa amahan
Nakapalit si Angel Locsin og property sa Zambales nga nahimutang doul sa dagat. Mao kini ang usa sa gipangandoy sa iyang amahan. “Si daddy ang nagsabi sa akin. Hindi ako makapag-no sa tatay ko. Mahilig kasi siya sa mga gano’n eh,” suma pa ni Angel.
Tinud-anay nga higala
Giregalohan ni Karylle og singsing ang higala niya nga si Iza Calzado . Nasayran nga suod gyud kaayo ang duha. Si Karylle maoy usa sa dangpanan ni Iza kun duna kini suliran nga gihambin. “We’ve seen those parts na survival talaga kasi down, down. Pero I think it was one of our scenes, it wasn’t really acting but parang may sinabi lang kami sa isa’t isa tapos tinitingnan ko ‘yung mga mata niya, parang when I’m weak, you are strong and same goes,” suma pa ni Karylle.
Trabaho lang
Gitataw ni Elisse Joson nga maabot ra gyud ang panahon nga magbalik ang panaghigalaay nila sa kanhi niya uyab nga si McCoy de Leon. Dili pa niya matino kun kanus-a kini mahitabo. Nagtagad lang sila karon tungod sa ilang pelikula apan wala nagpasabot nga nagbalik na ang ilang panaghigalaay.
The Boobay and Tekla Show
Sugod karong January 27, malantawan na sa telebisyon matag Domingo ang ‘The Boobay and Tekla Show! (TBATS)’. Nasayran nga nagsugod lang sa online ang maong show apan nakadawat kini og mga positibong feedback busa nakahukom ang GMA nga palugwaon kini sa telebisyon.