Karen Gallman winner ang aura

SEEN: Ang bahagi ng reminder letter na ipinadala sa TV5ng legal counsel ni Kris Aquino: We understand that Mr.Nicandro M. Falcis II (Nicko) and his brother Atty. Jesus Nicardo M. Falcis III (Jesus) are approaching various television and radio station.With a clear intent of maligning, humiliating and destroying the reputation of our client.

“We caution you from airing or broadcasting these interviews without verifying the allegations or securing the side/explanation of our client.”

SCENE: Ang sagot ng TV5 sa sulat na natanggap nila mula sa Divina Law Office, ang law firm na may hawak sa mga kaso na isinampa ni Kris Aquino laban kay Nicko Falcis, ang former managing director ng Kris Aquino Productions.

“Kami po sa News5 ay tinitiyak na patas ang aming pagbabalita at sinisikap na makuha ang bawat panig ng kampong sangkot sa isyu.

“Bagama’t meron pong programa sa radyo ang kapatid ni Nicko na si Atty. Jesus Falcis ay wala po kaming pinapaboran,” ang opisyal na pahayag ng TV5.

SEEN: Inaasahan na makukumpleto ngayon ang 85 official candidates ng 47th Miss Intercontinental. 64 contestants lamang ang nakadalo sa press presentation sa Sofitel noong Huwebes dahil papunta pa lamang sa Pilipinas ang ibang mga delegate.

SEEN: Winner na winner ang aura ni Karen Gallman ng Pilipinas sa press presentation ng 47th Miss Intercontinental kaya siya ang ibinoto na Media Favorite.

SCENE: Sa Fernwoods Garden Tagaytay City ang reception ng renewal of vows sa Lunes, January 14, nina Anthony at Rossel Taberna. Ginanap din sa Fernwoods Garden sa Tagaytay City ang reception ng renewal of vows nina Gladys Reyes at Christopher Roxas noong January 23, 2018. Parehong mga miyembro ng Iglesia Ni Cristo ang Taberna at Roxas couples.

SEEN: Dapat nang magpagupit ng buhok si Piolo Pascual dahil malakas maka-haggard sa kanyang itsura ang long hair niya.

SCENE: Ang look test kahapon ng lead stars ng Hiram Na Anak, ang upcoming afternoon drama series ng GMA-7 na tinatampukan nina Yasmien Kurdi, Dion Ignacio, Paolo Contis at Lauren Young.