CEBU, Philippines — Wala palabya ni Miss International 2013 Bea Rose Santiago ang pagtubag sa iyang basher nga nitunglo kaniya.
Naghambin karon ang beauty queen og chronic kidney disease.
“Ikaw ang pangit mo Bea! Filter queen! Karma na ‘yang nangyayari sa ‘yo! Baka hindi ka na umabot ng 2020! Bihira lang ang gumagaling sa sakit na ‘yan! RIP in advance!,” komento pa sa usa niya ka basher.
Kalmado hinoun kini nga gitubag ni Bea pinaagi sa iyang positibo nga panglantaw sa iyang kahimtang.
“I hope you live a life full of love to cure that deadly disease of hate. That’s worse than any organ failure or cancer. I will never wish any of my bashers of haters to go through what I’m going through.God bless you and your family! I hope He who is God of all can cure your hate with love,” tubag pa ni Bea.
Lady Gaga molihay na kang Kelly
Dili na makigtrabaho si Lady Gaga sa R&B singer nga si R. Kelly ug ipatangtang na niya ang ilang mga kanta sa streaming services .
Nasayran nga nag-atubang karon og isyu si Kelly human nigawas ang usa ka documentary kun diin pipila ka mga babaye ang nipasangil nga gitamasa-tamasan sila sa singer. Gihimikak hinoun ni Kelly ang maong akusasyon.
Nailhan si Kelly tungod sa sikat niya nga awit nga "I Believe I Can Fly”.
Nagka-duet na kaniadto sila si Lady Gaga ug Kelly niadtong 2013 pinaagi sa awit nga/ "Do What U Want (With My Body)."
"I intend to remove the song off of iTunes and other streaming platforms and will not be working with him again. I'm sorry, both for my poor judgment when I was young, and for not speaking out sooner,” suma pa sa IG post ni Lady Gaga.