Pinay designer bidang-bida ang mga gown sa golden globes

Napa-react ang Hollywood actress na si Gwyneth Paltrow sa rami nang dinamitang Hollywood celebrities ng sikat na Pinay designer na si Monique Lhuillier sa ginanap na Golden Globe Awards.

“@moniquelhuillier you are crushing this golden globe,” comment ni Gwyneth.

Sagot naman ng Cebuana designer : “gwynethpaltrow All I need is you babe.”

Kasama sa mga rumampa na suot ang gawa ng sikat na Pinay designer sina Ashley Madekwe, Regina King (Winner for Best Actress in a Supporting Role), Amber Heard, Isla Fisher, Linda Cardellini, Heidi Klum, Kaley Cuoco, Emmy Rossum, Keri Russell and Sofia Carson.

Sobrang in demand si Ms. Lhuillier sa mga Hollywood celebrities and royalties.

Samantala, nganga naman sa Golden Globe ang pelikulang Crazy Rich Asians.

Nominated silang Best Motion Picture (Comedy or Musical) and si Constance Wu for Best Actress in a Comedy/Musical.

Matapos manalong Best Motion Picture – Drama ang pelikulang Bohemian Rhapsody sa Golden Globes, mabilis itong nagkaroon ng controversy na nag-trending kahapon sa social media.

Hindi raw kasi nabanggit ang pangalan ng director ng pelikula na kinabaliwan ng mga Pinoy na si Bryan Singer.

Ayon sa mga online report, hindi man lang binanggit ng producer ng pelikula o maging ni Rami Malek na nanalong Best Actor in a Drama para sa kanyang pagganap na cha­racter ni Freddie Mercury ng grupong Queen ang pangalan ng kanilang director.

Controversial ang director dahil sa mga bintang na sexual misconduct.

Sa bansa ay hindi pa nagsisimula ang awards season.