DFA Sec. Teddy Boy, pinade-deport ang ka-loveteam ni Angel Aquino!

MANILA, Philippines — “Just deport him,” sagot ni Department of Foreign Affair Sec. Teddy Boy Locsin nang mabasa ang ginawa ng Glorious actor na si Tony Labrusca nang tatakan ng Immigration officer ang passport niya ng 30 working days.

“It is overcrowded,” sagot naman niya sa isa pang nag-tweet na hindi na dapat pinapapasok ng bansa ang mga katulad ni Tony matapos ngang magwala sa Immigration kung saan nga sinigaw-sigawan at sinumpa-sumpa diumano nito ang nasabing officer.

Sabi pa ni Sec. Teddy Boy, hindi niya kasi kilala ang actor.

At nang may mag-comment na baka naman ang six abs packs niya ang pinagmamalaki ng hunk actor, sumagot at nagbiro si Sec. Teddy Boy na super active sa Twitter : “Then it’s like mine, consolidated into one big solid pack.”

Dahil tuloy sa insidente na sinasabi pang ang nag-pacify kay Tony during the confrontation ay ang BF nito na nasaksihan diumano ng maraming nakapila sa Immigration, naungkat ang matindi nilang lovescene ni Angel Aquino sa palabas na Glorious. Kaya naman daw pala bigay na bigay ang actor ay dahil nga may ganun.

Anyway, as of presstime ay wala pang binibigay na official statement ang kampo ng actor na umingay ang pangalan ng tambalan nila ni Angel sa nasabing pelikula na napapanood ng libre sa iWant ng ABS-CBN (may related story sa page 8).