Name: Jay Dalumpines
Address: Cordova, Cebu
Birthdate: April 11
Contact Number: 09062158937
“Gihigugma nakog dako ang photography tungod kay aside sa naghatag ni nakog income, makalingaw sab kaayo nga mura ra kog wala nagtrabaho. Labaw sa tanan, daghan sab kog ma meet nga lain laing mga tawo.”
Mao kini ang pagpaambit sa taga Cordova nga si Jay Dalumpines mahitungod sa dako niyang kahangop sa photography.
Kapin sa napulo ka tuig na siyang nahimong photographer sa Sugbo ug sud sa maong mga katuigan, naka pundar na siyag pangalan sa maong industriya .
Pagbalik lantaw niya sa iyang kaagi, usa siya ka graphic artist kaniadto sa usa ka dakong hotel.
Ug paglabay sa mga katuigan, nakadesider siya nga mo -resign sa iyang pagka- empleyado ug mosuway’g pangita’g freelance nga trabaho.
Tuod man, sa iyang pag- undang, nipalit siya og second hand nga camera ug didtu na niya nakat-unan ang tanang hiyas sa pagkuha sa mga maanindot nga angles sa pagpangodak.
Gani dili na sab maihap ang celebrities ug personalities dinhi sa Sugbo ang nahimo na niyang mga kliyente.
Kasagaran sab kanila nagbalil-balik na sa pagkuha sa serbisyo ni Jay.
“Medyo daghan na gyud kaayo ang mga inila nga mga tawo ang nahimo na nakong clients pero di kaayu ko mo - mind sa ilang pagka-celebrity, as long as mi- render ra ko nilag sakto nga serbisyo. Kasagaran sab nila kay naa sa politics, sa pageant industry. Mo shoot sab ko sa mga Hotel ug Business Industry,” dugang pa niya.
Giangkon sab niya nga labing dako nga challenge nga iyang nasugatan isip photographer mao ang higayun nga nag -shoot siya ug kalit naguba ang iyang gears.
Apan isip usa ka ligdong photographer , kanunay gayud kang makapangita og paagi unsaun pagkalingkawas sa usa ka wala damha nga sitwasyon.
Gusto ni Jay nga mahinumduman siya sa kadaghanan isip usa ka portait ug advertising photographer.
Nabantayan sab karon niya nga uso na sab og kalit ang kaanindot nga kuha sa mobile photography.
Kini sab magdepende sa kaanindot sa detalyi sa tawo nga mikuha sa hulagway sa usa ka butang gamit ang maong kahimanan.
Dugang pa niya nga walay kabutangan sa iyang kalipay kung makita na niya ang iyang finish product uban sa dakong pag aprobar ug pagdayeg niini sa iyang mga kliyente.
Ang maong higayun gihulagway niya isip “priceless happiness” nga pagabation sa mga photographers.
Gipaambit sab niya ang iyang pag- idolo kang Erwin Lim, usa usab ka sikat nga photographer.
Giangkon sab niya nga usahay sa kinabuhi sa usa ka photographer, di malikayan nga nga usahay ubos ang panglantaw kanila.
Apan nakat-unan niya nga sa mga panahong masinati kini niya, padayun lang gihapon siya sa iyang pagpanimpad sa propesyon nga iyang gipili ug ang labing importante , wala siyay katungod nga nayatakan.
Sa katapusang bahin, di masukod ang iyang dakong pagpasalamat sa gasa sa Kahitas- an sa talento nga gitugyan kaniya.
Matud niya, tungod sa iyang pagka- photographer, nakasustiner siya sa pang-adlaw adlaw niyang mga galastuhunon ug gawas niana, wala sab siya magtuo nga mahimo siyang inila sa kadaghanan kung photography na maoy hisgutan.