Miley ug Liam nagpakasal na?

CEBU, Philippines — Niulbo ang taho nga matud pa nagpakasal na ang  Hollywood stars  nga sila si Miley Cyrus ug Liam Hemsworth  sa miaging adlaw.

Matud pa nga gi-sekreto lang sa duha ang ilang pagpakasal apan dunay nikatap nga video nga giingong kuha sa reception.

Kapin na sa lima  ka tuig ang ilang relasyon. Duna mga panahon nga nagbuwag sila apan magbalik rapud dayon. 

CarGel nag-uban sa Pasko

Nagmaya ang avid fans sa tandem nila ni Angelica Panganiban ug Carlo Aquino  gumikan kay nag-uban sa pagsaulog sa Pasko ang ilang mga idolo.

Nangandoy ang fans sa duha nga unta magbalik   na ang kanhi mag-uyab.

 “Masaya ang lahat, merry Christmas,” suma pa sa IG post ni Angelica.  (Sanden J. Anadia)

Gabbi mitubag

sa isyu

Hugtanong gihimakak sa  Kapuso actress nga si Gabbi Garcia ang tsika  nga matud pa  mobalhin siya sa  ABS-CBN.

Nasayran nga nikisaw ang maong taho  tungod sa tsismis gikan sa usa ka netizen.

“Nope. Not true,” tweet pa ni Gabbi.

Usa ka  homegrown talent sa  GMA Artist Center  si Gabbi   kinsa nisulod sa showbiz niadtong  2014.