SEEN: Ang clarification na posibleng magtagal hanggang 2020 ang airing ng Ang Probinsyano ni Coco Martin kaya ang Ngayon at Kailanman ang programa na papalitan ng The General’s Daughter sa January 2019.
SCENE: Kahapon ang unang araw ng shooting ni Rocco Nacino para sa Write About Love, ang bagong movie project ng TBA Studios na tinatampukan din nina Joem Bascon, Miles Ocampo at Yeng Constantino.
SEEN: Ang Write About Love ang unang full-length movie ni Crisanto Aquino bilang direktor. Co-director si Crisanto ng My Rebound Girl ng Regal Entertainment Inc. at assistant director siya ng mga teleserye ng ABS-CBN.
SCENE: Ang Dream Girl of the Year ang special award na napanalunan ni Aya Fernandez sa 21st Miss Tourism International na ginanap noong Biyernes sa Sunway Resort Hotel & Spa sa Selangor Malaysia. Si Joanne Quintas ang most popular Filipina winner ng Miss Tourism International crown noong 1997.
SEEN: Hindi puwedeng mawala si Alden Richards sa New Year Countdown 2019 ng GMA 7 dahil naging panata niya ito mula nang pumasok siya sa showbiz. Kinabukasan, January 2, ang 27th birthday ni Alden na ipagdiriwang niya sa Eat Bulaga.
SCENE: Ipinapakita na ng GMA 7 ang teaser ng Sahaya, ang television series na tatampukan ni Bianca Umali. Sina Miguel Tanfelix at Migo Adecer ang leading men ni Bianca sa Sahaya na mapapanood sa February 2019.
SEEN: Kara Mia na ang bagong pamagat ng Ang Dalawang Mukha ni Guadalupe, ang drama series ng GMA 7 na pinagbibidahan ni Barbie Forteza at ipapalabas din sa February 2019.