CEBU, Philippines – Gawas sa pagpakatawa, pahimug-atan sa upcoming movie ni Vice Ganda nga “Fantastica” ang pagpadayag sa gugma, ug ang pagrespeto sa isigkatawo ug ang importansya sa pamilya.
Gipasigarbo kini pag-ayo ni Vice Ganda sanglit swak kaayo kini sa tanang tawo nga gusto nga malingaw karong Pasko.
Ang pelikula sa Star Cinema nga “Fantastica” maoy usa sa mga entries alang sa Metro Manila Film Festival 2018.
“Ngayong Pasko , dapat naka-smile tayo at magbigay ng todo saya sa mga tao. Manood na tayo ng Fantastica, meron din kayong matutunan dito ,” tsika pa ni Vice sa dihang nibisita kini dinhi sa Sugbo ubos sa pagdumala sa JSP Ads and Promo ni Ms. Josie Pereyra.
Suma pa sa “Unkabogable Star’ nga dili niya angayan i-pressure ang iyang kaugalingon bisan paman nga kusog kaayo ang nangagi niya nga MMFF movies. Matud pa niya nga lahi-lahi ang putahi matag tuig niya nga pelikula ug ang labing importante nga makadugang kini sa kalingawan panahon sa Pasko.
Matud pa sa komedyanteng aktor nga lig-on kaayo ang proyekto ilabi na nga mao kini ang labing una nga higayon nga makauban niya sa pelikula sila si Richard Guttierez ug Dingdong Dantes.
“Hindi talaga ako nakapaniwala, noong pumayag ang management na masali sila Richard at Dingdong,” dugang pa ni Julia. Nasayran nga si Vice gyud ang nag-request nga makauban niya sila si Richard ug Dingdong bisan paman nga nipalag ang management sa sinugdanan gumikan kay dako kaayo ang magasto kun mag-uban ang duha ka big stars.
“Nagpapasalamat talaga ako sa ABS-CBN dahil tinupad nila ang wish ko,” matud pa ni Vice.
Ang Fantastica istorya sa usa ka nilalang nga kalit nga nahatagan og misyon ug duna’y importante nga luwason.
Giangkon ni Vice nga gaan kaayo ang iyang feeling sa set sa maong pelikula gumikan kay mosakay ra gyud sa iyang mga komedya sila si Richard ug Dingdong.