CEBU, Philippines — Gipaambit ni Beauty Gonzalez nga malipayon kaayo ang iyang bestfriend nga si Ellen Adarna sukad kini nipahuway sa showbiz kauban ang uyab nga si John Lloyd Cruz. “Okay naman siya. Mukhang fresh, masaya. Super happy.She's having the time of her life, lalo na ngayon na she's living a private life,"sigon pa ni Beauty.
Nagbaha ang raket
Gihimakak sa singer nga si Jaya ang tsismis nga dako matod pa ang pagsaka sa iyang talent fee sukad nga nibalhin siya sa ABS-CBN. Apan giangkon niini nga mas nidaghan iyang shows ug concerts human nahimong hurado sa Tawag ng Tanghalan sa It’s Showtime. “Naku, hindi totoo yung mga ganyan. Ano lang, nakaluwag-luwag lang ng konti. Nakakabili na ng lupa! Hahaha! Nakaka-stylist, charot!"lenggua pa niini.
Molugwa og balik
Malipayong gibalita sa Tony Award-winning actress ug Grammy Award nominee Lea Salonga nga mobalik siya og sulod sa Broadway musical nga Once On This Island isip Erzulie, ang goddess of love. Gipulihan ni Lea si Michelle Williams sa Destiny's Child human kini nakasinati og problema sa panglawas .
Gidayeg ni Tyra
Bisan ang Hollywood model-host nga si Tyra Banks ,wala gyud kapugong sa iyang pagdayeg ngadto ni Miss Universe Philppines Catriona Gray ug ni-tweet kini og "Pinoy Power to the Max!!!". Tungod niini, daghan ang nagtuo nga makadaog gyud si Catriona .
Dili sayon
Gibutyag sa aktor nga si Ronnie Henares nga dili matod pa sayon ang pagdungan sa iyang trabaho isip aktor ug ang iyang pagka -manager sa mga artista. Gipanag-iya ni Ronnie ug asawa niining si Ida Henares ang Prime Management and Productions Inc. (PMPI). Mainstay si Ronnie sa Pepito Manaloto ug lakip sa cast sa seryeng Cain at Abel sa GMA-7. “Hirap maging manager at artist nang sabay.I ask cut offs for my artists but don’t have one for myself,"ni Ronnie pa.
Nayayay si Shawie
Gipaambit ni Sharon Cuneta sa social media nga wala siya nakaapil sa 2018 ABS-CBN Christmas special didto sa Araneta Coliseuml tungod kay gihilantan siya. "Hi. I’m sorry I haven’t updated you in days. My body finally gave in to over-fatigue,& Kiko had to text my boss Ms. Cory Vidanes to tell her I had been vomiting & had come down with the flu, & as a result I couldn’t sing at the ABS-CBN Christmas Special taping,"post pa sa megastar.
Molugwa sa Macau
Human sa one-month honeymoon nilang Anne Curtis ug Erwan Eusaff didto sa Africa, puno nasab ang schedule karon ni Anne. Gikatakdang molugwa ang aktres sa 3rd International Film Festival and Awards didto sa Macau ug busy siya karon sa promotion sa upcoming horror film nga Aurora nga official entry sa Metro Manila Film Festival 2018.
Kinalit nga mugna
Wala matod pa gituyo ni Miss Universe Philippines 2018 Catriona Gray ang nag-trending niyang 'slow motion' walk and turn atol sa Miss Universe preliminaries. "I just did the turn slowly! . That's it, it's just a slow turn. I know! I Don't even know how I did that. I don't know, that wasn't me. . It just happened that way. Promise!" sigon pa ni Catriona.
Pangandoy ni Ina
Gipaambit sa aktres nga si Ina Raymundo nga pangandoy niya nga magkabaton og kaugalingon nga lingerie brand. "One of my dreams is to carry my own lingerie brand. You can be any size and still look and feel good when you wear one. What about you? What's your biggest (day)dream now?"sigon pa sa 43 anyos nga aktres.