CEBU, Philippines — Gipahibalo na sa Twitter Philippines ang mga nag-unang nagamit nga hashtags sa nasud karong tuiga og pipila niini mao ang kasikas sa ABS-CBN Ball, Push Awards MayWard, MayWard, ug ang pelikulang The Hows of Us.
“Whatever happens, it happens on Twitter. As 2018 bids farewell, Filipinos have proven that Twitter is the go-to platform to see #WhatsHappening in Pinoy entertainment scene,” suma pa sa statement sa Twitter .
Ang “most tweeted” Filipino celebrities mao sila si Maymay Entrata, Edward Barber, Kisses Delavin, Loisa Andalio, Kathryn Bernardo, ug Daniel Padilla .
Samtang ang Showtime host nga si Vice Ganda maoy most followed Twitter account nga gisundan sa iyang higala nga si Anne Curtis.
Golden gihilakan sa iyang fan
Puwerting lipaya sa “The Clash” grand champion nga si Golden Cañedo sa dihang nahimamat na gyud niya ang iyang avid fan nga bata kinsa nag-viral online human kini nihilak gumikan kay gusto kini makakita sa iyang idolo.
Sa maong viral video, todo hilak ang dos anyos nga si Klea Maine Sismaet samtang gipangutana kabahin sa iyang idolo nga si Golden.
Matud pa sa maong bata nga ganahan gyud siya ni Golden gumikan kay nindot kini og tingog.
Natuman gyud ang pangandoy sa bata gumikan kay gipabisita kini sa programang “Studio 7” kauban ang iyang inahan.
“Nag-iiyakan po kami ni mama kasi siyempre ‘di po namin ine-expect. Kasi two years old tapos umiiyak sa akin para makita ako. Kaya sobrang blessed ko po na hindi lang matatanda yung nakaka-appreciate sa talent ko, pati na rin po ang mga bata,” saysay pa ni Golden ngadto sa GMA News.
Halik hangtod pa sa March 2019
Nagmaya ang TV viewers nga suki sa Halik human gianunsyo ni Jericho Rosales nga extended hangtod sa March 2019 ang maong teleserye sa ABS-CBN.
Kauban ni Jericho sa Halik mao sila si Sam Milby, Yen Santos ug Yam Concepcion.
Nasayran nga kanunay gyud nga trending ang mga eksena sa maong serye. Dili kaayo patok sa masa sa dihang bag-ohay lang nagsugod ang Halik apan kalit kini nga nihumot sa publiko sa dihang nanggawas na ang mga eksena kalabot sa pagpangabit ni Ace (Sam) ngadto kang Jade (Yam).
Tungod sa pag-extend sa maong show, iuswag ni Jericho ang planong pagbakasyon nila sa iyang asawa nga si Kim Jones.
“Dapat magbabakasyon na ako ng February. So we will see. Inaayos namin ‘yon, naiintindihan niya naman ‘yon,” suma pa ni Echo.
Zsa Zsa magpabilin sa ASAP
Mobalik si Zsa Zsa Padilla sa ASAP Natin To ‘karong Domingo. Giingong nakigtigom gyud ang production team kang Zsa Zsa aron sultian nga dili tinoud ang tsika nga gitangtang siya sa maong show. Giingong hatagan matud pa og hugyaw nga segment si Zsa Zsa. Una na nga nigawas ang tsismis nga matud pa nangluod ang singer sa dihang gi-reformat ang ASAP.
Regalo sa pamilya
Ang maayong pagdala sa iyang kinabuhi maoy Christmas gift ni JM de Guzman ngadto sa iyang pamilya ilabi na sa iyang amahan nga si Roniel. “To show him na ‘yung disposiyon ko ay maganda. ‘Yung focus ko sa buhay ko, goals ko. Kahit na hindi ko sabihin sa kanya basta kapag nakikita niya ako, nandoon ako,” matud pa niya.
Ikaw na Arnel !
Target sa direktor sa pelikulang “Crazy Rich Asians” nga si Jon M. Chu nga himoan og pelikula ang dagan sa istorya sa kinabuhi sa singer nga si Arnel Pineda. Dakong garbo alang kang Arnel nga mahimoan og pelikula sa usa ka banggiitang direktor.Ang Warner Bros matud pa ang mopaluyo sa maong proyekto.
Star-studded
Mapasalamaton ang magtiayong Christian Bautista ug Kat Ramnani sa mga nitambong sa ilang ikaduhang wedding reception sa Manila sa miaging adlaw. Kini naglangkob nila ni Paolo Valenciano, Morissette Amon, Hayden Kho, Vicki Belo, Ogie Alcasid, Lea Salonga, Jed Madela, Nyoy Volante , Matteo Gudecelli, Sarah Geronimo, Carlo Orosa. Unang nagpakasal ang duha didto sa Indonesia sa miaging buwan.
Todo pangandam
Tsika pa ni JC Santos nga gipangandaman gyud niya og maayo ang pelikulang “Motel Acacia.” Nagpaus-os gyud siya og 12 kilos sa iyang timbang. Sa Slovenia himoon ang pipila ka mga eksena sa maong pelikula.
Balik trabaho na
Nagpanikad na si Paulo Avelino sa pag-arte og balik. Kahinumdoman nga nagpa-relax si Paulo og todo pagkahuman sa pelikulang Goyo: Ang Batang Heneral ug sa afternoon TV series nga Asintado. Malakip ang aktor sa teleserye ni Angel Locsin nga The General’s Daughter .
Panahom ni Lea
Napanglantawan ni Lea Salonga nga duna gyu’y tsansa si Catriona Gray nga makadaog sa Miss Universe 2018. Kahinumdoman nga nakasuway na si Lea nga nahimong hurado sa Miss Universe niadtong 2011. “I didn’t see her in Binibining Pilipinas, and I’ve not looked at her interviews but from people who have worked with her, they all say that she has a chance kasi nga matalino and magaling sumagot. It’s not just her physical beauty, may utak daw talaga ‘yung bata. So if that’s the case, then you have the chance,” matud pa sa singer.
Perfect project
Gihulagway sa magsuong Alex ug Toni Gonzaga nga perfect project ang pelikula nila nga Mary, Marry Me nga entry sa 2018 Metro Manila Film Festival. Suma pa sa duha nga dugay na gyud sila nagpaabot og hugyaw nga script sa usa ka proyekto kung diin sila gyud ang mag-uban.