CEBU, Philippines — Malipayong gibutyag sa American R&B singer nga si Brian McKnight nga nagkalig-on gyud samot ang relasyon nila sa iyang Pinay nga asawa nga si Leilani Mendoza nga taga Plaridel, Bulacan.
Nag-concert si Brian dinhi sa nasud dili pa lang dugay ug mao kini ang nagsilbing selebrasyon sa ilang wedding anniversary.
Si Brian maoy nagpasikat sa awit nga “Back at One,” “6, 8, 12,” ug “One Last Cry.”
Nasayran nga kanunay gyud nga mo-click ang iyang mga concert dinhi sa Pilipinas.
Pipila sa iyang mga higala nga singers sa nasud mao sila si Gary Valenciano, Martin Nievera, Regine Velasquez, ug Kyla.
Matud pa ni Brian nga naa gyud sa Pilipinas ang hugyaw kaayo nga singers.