Nitungtong na kita sa buwan sa Disyembre busa dili na gyud malilong, nagkaduol na gyud ang Pasko.
Kasagaran sa atong mga tinun-an karon ang puwerting lipaya gumikan kay sayo ang ilang Christmas break.
Sa mga ginikanan diha, nagplano ba kamo nga ilaag ninyo ang inyong mga chikiting?
Kun dunay sobra nga gamay sa inyong mga bonus, aw swak kaayo nga manlaag mo aron pud malingaw mo sa inyong Christmas break.
Puwes ania ang tips o mga butang nga ikonsidera kun nagplano mo nga manglaag karong buwana.
1. Ganahan ba mo nga malangoy-langoy sa tubig? Puwes.puwede ra kaayo mo motikang sa mga resort nga duol lang sa inyoha para dili mo ma-stress sa biyahe. Apan kun duna’y tubod nga duol sa kabukiran, aw, puwede kaayo uy, aron ma-feel ninyo ang presko nga tubig.
2. Siguradong lingaw ang imong pagbakasyon kun mag-istar ka sa lugar nga maka-relax ka. Kun dili nimo feel ang beach, aw tikang nalang sa mga campsite o ba kaha mga hotel nga dunay swimming pool.
3. Dunay uban kanato nga ganahan nga mag-inusara. Hinuon inyoha man sad na nga choice. Pero kun daghan mo, mas lingaw siya.Perfect kaayo nga oportunidad nga mo-spend og quality time sa imong partner or imohang good friends. Kun lingaw ang tropa, seguradong memorable ang inyong paglaag.
4. Mosamot kalingaw ang laag kun dili sigeg gamit sa inyong cellphone. Hinuon, puwede raman mokuha og hulagway, apan gamita ang dakong oras sa paglingaw-lingaw ug tsika-tsika sa mga tawo nga kauban nimo sa pagpanuroy. Ang importante nga makapahuway ka sa business, office, or school related calls, texts or emails .
5. Sa inyong pagbakasyon, dalha ra ang mga importanteng butang. Igo lang nga sinina ang dalhon aron dili kaayo bug-at ang inyong baga. Imo lang dad-on ang mga gamitonon gyud kaayo , from travel guides to beach supplies. Packing light means less imong stress and hassle para sa imong trip.